پولشا پرەمەرى ا ق ش اسكەرىن قوشەمەتپەن قارسى الدى

استانا. قازاقپارات - پولشا پرەمەر- ءمينيسترى بەاتا شيدلو جانە ۇكىمەتتىڭ وزگە دە وكىلدەرى قاڭتاردىڭ 14- كۇنى ەل اۋماعىنا كەلگەن امەريكالىق اسكەريلەردى قوشەمەتپەن قارسى الدى.
None
None

پولشانىڭ گەرمانيامەن شەكارا ماڭىنداعى جاگان قالاسىندا وتكەن قارسى الۋ راسىمىندە پرەمەر- ءمينيسترى شيدلو «پولشانىڭ قاۋىپسىزدىگىن نىعايتۋ جولىندا ۇلكەن قادام جاسالعانى» تۋرالى مالىمدەگەن. پولشا قورعانىس ءمينيسترى انتونيي ماچەريەۆيچ امەريكالىق ساربازدارعا ارناعان سوزىندە «ءبىز سىزدەردى ونداعان جىلدار بويى كۇتتىك» دەگەن.

ا ق ش اسكەريلەرى پولشاعا ناتو ۇيىمىنىڭ جوسپارى اياسىندا كەلىپ وتىر. بۇعان دەيىن ناتو وداققا مۇشە ەلدەردىڭ شىعىس شەكاراسىنداعى قاۋىپسىزدىكتى قامتاماسىز ەتۋ تۋرالى شەشىم قابىلداعان بولاتىن. ناتو جوسپارى بويىنشا، پولشاعا وداقتاستاردىڭ 3,5 مىڭعا جۋىق اسكەرى ورنالاسۋى ءتيىس. سونىمەن بىرگە پولشاعا ءبىر مىڭعا جۋىق اسكەري تەحنيكا - Abrams تانكىلەرى، Bradley  جاياۋ اسكەر ماشينالارى مەن وزدىگىنەن جۇرەتىن Howitz ارتيللەريالىق قوندىرعىلارى اكەلۋ جوسپارلانعان.

www.azattyq.org

سوڭعى جاڭالىقتار