12:31, 15 - قاڭتار 2017 | GMT +5
مۇحتار تايجان: استانانىڭ قوعامدىق ورىندارىندا قازاق ءانى قاشان شىرقالادى
استانا. قازاقپارات - بولاتحان تايجان قورىنىڭ پرەزيدەنتى مۇحتار تايجان فەيسبۋك ارقىلى ەلوردا بيلىگىنەن قوعامدىق ورىنداردا قاشان قازاق اندەرى ورىندالاتىندىعىن سۇرادى، دەپ حابارلايدى قازاقپارات.

«استانا قالاسى بيلىگىنە مەنىڭ قاراپايىم عانا ساۋالىم بار. سىزدەردە، قوعامدىق ورىنداردا نەگە قازاق اندەرى شىرقالمايدى؟ كەلۋشىلەردىڭ 80-90 پايىزى قازاقتار جانە بىردە- ءبىر قازاق ءانى جوق. قازاق ەستراداسىن قاپەرگە دە ىلمەستەن رەسەيلىك نەمەسە شەتەلدىك ەسترادانى عانا قويىپ قويادى. بۇل حالىقتى زومبيلاۋدىڭ ناعىز ءوزى. مەن قوعامدىق ورىندار سۋپەرماركەتتەردە، كينوتەاترلاردا، شاڭعى ىلديلارىندا، مۇز ايدىندارىندا، ستاديونداردا ۋاقىتتىڭ كەمىندە 80 پايىزىندا قازاق مۋزىكاسى، قازاق ەستراداسىن قويدىرتاتىن زاڭ قابىلداۋدى ۇسىنامىن. اسەت يسەكەشيەۆ وسى پروبلەماعا نازار اۋدارساڭىز»، - دەپ جازدى مۇحتار تايجان.
اۆتور: مارلان جيەمباي