ۇلتتىق بانك زەينەتاقى جيناعىنداعى جاعىمسىز قارجىلىق تابىستىڭ سەبەبىن ءتۇسىندىردى

استانا. قازاقپارات - ۇلتتىق بانك قازاقستاندىقتاردىڭ زەينەتاقى جيناعىنداعى جاعىمسىز ينۆەستيتسيالىق تابىستىڭ سەبەبىن ءتۇسىندىردى، دەپ حابارلايدى قازاقپارات.

«جىل باسىنداعى 10 كۇندە قازاقستانداعى ۆاليۋتا كۋرسى اۋىسىپ، ۇلتتىق ۆاليۋتامىز دوللارعا شاققاندا ءۇش تەڭگەگە قىمباتتادى. ايتا كەتەتىن جايت، ەگەر ۇلتتىق ۆاليۋتامىز جىل بويى دوللارعا شاققاندا قىمباتتاپ تۇرسا، قازاقستاندىقتار ەشتەڭە بايقامايتىن ەدى. الايدا، قاڭتاردىڭ العاشقى كۇندەرىنەن باستاپ-اق تەڭگە نىعايعان كەزدە، قۇبىلمالى كەزەڭدە جاعىمسىز سيفرلار پايدا بولدى. زەينەتاقى قورلارىڭىزداعى كورسەتكىشتەردى قازىر قاراساڭىزدار، وندا جاعىمدى زونادا ەكەنىن بايقايسىزدار. كۋرس نىعايعان كەزدە، ۆاليۋتانىڭ قۇرامى تەڭگەگە شاققاندا ارزانداعان كەزدە، قايتا ەسەپتەلىپ كەتتى. كۋرس ورنىنا كەلىپ ەدى، جاعداي تۇراقتالدى»، - دەپ حابارلادى ۇلتتىق بانكتىڭ مونەتارلىق وپەراتسيالار دەپارتامەنتى ديرەكتورىنىڭ ورىنباسارى نۇرجان تۇرسىنحانوۆ.

ونىڭ ايتۋىنشا، قازاقستاندىقتاردىڭ بۇكىل ينۆەستيتسيالارى جينالىپ، سىياقى رەتىندە بەرىلەدى، ال جينالعان سىياقى كۇنتىزبەلىك جىل بويىنشا ءجۇرىپ وتىرادى ەكەن.

اۆتور: كەنجەكەي توقتامۇرات قىزى