دانيار ەلەۋسىنوۆتىڭ كاسىبي- رينگتەگى سالماق كاتەگورياسى انىقتالدى

- كەلىسسوزدەر جۇرگىزىلدى، رەسمي كەلىسىمگە اقپان ايىندا قول قويامىز، - دەدى بوكسشىنىڭ اكەسى.
- دانيار قانداي سالماق دارەجەسىندە شىعاتىن بولادى؟
- كاسىپقوي بوكستا سپورتشى ءبىر عانا جەكپە-جەككە دايىندالادى. ءبىر تاۋلىك بۇرىن سالماق ولشەيدى، سوسىن قايتا قالپىنا كەلەدى. اۋەسقوي بوكستا تاڭەرتەڭ سالماق ولشەسەڭ، كەشكە - جارىس. سالماقتى ۇستاۋ وتە قيىن. كاسىپقوي بوكستا كەيبىرەۋلەر جەتى-سەگىز كەلى «قۋادى»، ال جارىسقا جارتى كۇن قالعاندا سالماق ولشەگەن سوڭ، قايتا قالپىنا كەلەدى. «اۋەسقويدا» مۇنداي مۇمكىندىك جوق. قالاي بولاتىنىن كورەمىز.
- ياعني، سالماققا قاتىستى ناقتىلىق جوق قوي ازىرشە؟
- شامامەن 66 كەلى.
- ياعني، 69 كەلى ەمەس قوي؟
- جوق، 69 ەمەس. كاسىپقوي بوكستا ادامدار 80 نەن 69 كەلىگە دەيىن «قۋالايدى». سول ءۇشىن وسى كاتەگوريانى تاڭدادىق.
- دانياردىڭ قالىپتى سالماعى قانشا؟
- 72 كەلى.
- كەلىسىمنىڭ شارتتارى قانداي؟ دەبيۋت قايدا وتەدى؟
- ازىرشە ايتا المايمىز. رەسمي قول قويعان سوڭ، مالىمدەيمىز.
- تاڭداۋلارىڭىز نەگە وسى پروموۋتەرلىك كومپانياعا ءتۇستى؟ ا ق ش پەن رەسەيدەن ۇسىنىستار بولىپ ەدى عوي.
- ولار تانىمال پروموۋتەرلىك كومپانيالارعا قاراعاندا، جاقسى شارتتار ۇسىندى.
- دانياردا ويىن ءستيلى بار جانە كاسىبي-رينگتە قاتالدىق جاعىنان وزگەرىستەر جاساۋ كەرەك دەگەن پىكىرلەر ايتىلۋدا. ونى ءسىز دايىندايتىنىڭىز تۇسىنىكتى. ال، كاسىبي رينگتە تاجىربيەسى بار جاتتىقتىرۋشى شاقىرىلا ما؟
- ءيا، دانياردىڭ كاسپقوي رينگكە وتۋىنە كومەكتەسەتىن امەريكالىق جاتتىقتىرۋشى بولادى.
- دانياردىڭ ۇلكەن اعاسى داۋرەن وسى پروۋموۋتەرلىك كومپانيا اتىنان شىعا ما؟
- ءيا، ول الدىڭعى كومپانيامەن كەلىسىمدى بۇزدى. ونىڭ كەلىسىم-شارتى دانياردىكىندەي ەمەس، ول وليمپيادا چەمپيونى عوي، ءبىراق، بۇرىنعىسىنان جاقسى.
ەستەرىڭىزگە سالساق، وليمپيادا چەمپيونى جانە قازاقستان قۇراماسىنىڭ كاپيتانى دانيار ەلەۋسىنوۆ كاسىبي رينگكە ءوتتى. جاقىن ۋاقىتتا بۇل جولعا سۋپەر اۋىر سالماقتاعى يۆان دىچكو دا ءوتۋى مۇمكىن. ەلەۋسىنوۆكە كەلسەك، دەبيۋت الدىندا وعان بوكستاسۋ مانەرىن وزگەرتۋدى ۇسىنىپ جاتىر.
prosports.kz