استانادا وتەتىن سيريا كەلىسسوزدەرىنەن تاڭقالارلىق جايت كۇتۋدىڭ قاجەتى جوق - مارات شيبۇتوۆ

بۇل جايىندا ول قازاقپارات تىلشىسىنە ءمالىم ەتتى.
ايتا كەتەرلىگى، استانادا سيرياعا قاتىستى كەلىسسوزدەردىڭ وتۋىنە تۋرا 10 كۇن قالىپ وتىر. بۇعان دەيىن كەلىسسوزدەردىڭ 23 - قاڭتارعا بەلگىلەنگەنى حابارلانعان بولاتىن. دەگەنمەن، مارات شيبۇتوۆتىڭ پايىمىنشا، سيريا بويىنشا كەلىسسوزدەر سىرتقى ويىنشىلار سانىنىڭ كوپتىگىنەن قيىنعا تۇسپەك.
«قازىرگى ۋاقىتتا سيريادا تەك ۇكىمەتكە قارسى ءىرى توپتاردىڭ ءوزىنىڭ وننان استامى بار. بۇعان ۇكىمەتتىڭ ءوزىنىڭ مۇددەسى مەن كەمىندە ونداعان سىرتقى ويىنشىلاردىڭ مۇددەسى قوسىلادى. سوندىقتان دا، شىنىنا كەلگەندە كەلىسسوزدەر جۇرگىزۋ وتە قيىن. وسىعان وراي استانا كەلىسسوزدەرىنەن تاڭقالارلىق جايت كۇتۋدىڭ قاجەتى جوق. ءىس جۇزىندە بۇل ءبىز ءۇشىن كەلىسسسوزدەرگە الاڭ ۇسىنۋ تۇرىندەگى اراعايىندىق قىزمەت قانا»، - دەدى ساياساتتانۋشى.
مارات شيبۇتوۆتىڭ اتاپ وتۋىنشە، قازاقستان كەلىسسوزدەردىڭ ناتيجەسىندە ەشقانداي دا ىقپال جاساي المايدى.
«ءبىراق، كەلىسسوزدەردىڭ بىزدە ءوتۋىنىڭ ءوزى وعان قاتىسۋشى تاراپتاردىڭ سەنىمىن بىلدىرەدى. ال بۇل حالىقارالىق ساياساتتاعى ءبىزدىڭ جاقسى يميدجىمىزدىڭ كورسەتكىشى»، - دەدى ول.
اۆتور: مارلان جيەمباي