22:20, 12 - قاڭتار 2017 | GMT +5
ەكسپو كورمەسىندە وسىمدىك ارقىلى تەلەفون قۋاتتايتىن قۇرىلعى تانىستىرىلادى - كەسكىن
استانا. قازاقپارات - استاناداعى ەكسپو-2017 كورمەسىنىڭ ۇزدىك تاجىريبەلەر ايماعىندا قوناقتار مەن كەلۋشىلەرگە Bioo جاڭاشىل كومپانياسىنىڭ جوباسى تانىستىرىلادى.

ازىرلەۋشىلەر وسىمدىك كومەگىمەن سمارتفوندى قۋاتتاۋ جولدارىن كورسەتەدى. بۇل تۋرالى Astana Expo 2017 كورمەسىنىڭ رەسمي تۆيتتەر- اككاۋنتىندا حابارلاندى.
«تەلەفوندى قۋاتتاۋ ءۇشىن بىزگە وسىمدىك، USB- سىم جانە سمارتفوننىڭ ءوزى كەرەك»، - دەيدى ازىرلەۋشىلەر USB- سىمدى قۇمىراداعى تاس سەكىلدى ارالىققا جالعاپ.
ەسكە سالا كەتسەك، ەكسپو حالىقارالىق مامانداندىرىلعان كورمەسى 2017 -جىلى 10 -ماۋسىم مەن 10 -قىركۇيەك ارالىعىندا استانا قالاسىندا وتەدى، وعان 5 ميلليونعا جۋىق ادام كەلەدى دەپ كۇتىلۋدە.