قازاقستاندىق قىزدار قىتايلىق جىگىتتەردى وتە قىزىقتىرادى - قىتايدىڭ قازاقستانداعى ەلشىسى

«ەكى ەل ازاماتتارى نەكەلەسىپ جاتاتىن جايتتار كەزدەسەدى. قازاقستاننىڭ كوپ ازاماتتارى قىتايعا جۇمىس بابىمەن نەمەسە وقۋعا كەلەدى دە، قىتايدا قالىپ قويىپ جاتادى. قازاق مادەنيەتىن دارىپتەپ جۇرگەن ادامدار بار، قىتاي تۇرعىندارى سول ادامدار ارقىلى قازاقستاننىڭ سالت- داستۇرىمەن تانىسا الادى. بۇل - تابيعات زاڭى. بۇل - ءبىزدىڭ حالىقتار اراسىندا ءداستۇرلى دوستىق بار دەگەن ءسوز، سول دوستىق جەمىسىن بەرىپ جاتىر دەگەن ءسوز»، - دەيدى ول.
ەلشىنىڭ ايتۋىنشا، قازاق قىزدارى قىتاي ازاماتتارىن قاتتى قىزىقتىرادى.
«قىتايدان كەلىپ، جەرگىلىكتى قىزدارعا ۇيلەنىپ جاتقانىن بىلەمىن. مۇنداي جاعدايلار كوپ. بۇل - قالىپتى تاجىريبە. ەشكىم ەشكىمدى شەكتەمەيدى. قىتايلىق تاراپتان ەشقانداي كەدەرگىلەر جوق. ءبىراق، ارينە، ەكى جاقتىڭ دا نيەتى بولۋى كەرەك. قازاقستاندىق قىزدار قىتايلىق جىگىتتەردى وتە قىزىقتىرادى. سەبەبى ولار وتە سۇلۋ، نازىك، جوعارى ءبىلىمدى، اتا-انالارىن، ۇلكەن كىسىلەردى سىيلايدى، وتباسىلارىن جاقسى كورەدى. ءداستۇرىمىز بويىنشا بىزدە ۇقساستىقتار كوپ»، - دەيدى ول.
ەستەرىڭىزگە سالا كەتەيىك، استانادا قازاق قىزدارىن قالتالى قىتاي جىگىتتەرىمەن تانىستىراتىن نەكە اگەنتتىگى اشىلىپ، قوعام نارازىلىعىن تۋدىردى.
اۆتور: كەنجەكەي توقتامۇرات قىزى