سيرياعا قاتىستى استانا كەزدەسۋى كەيىنگە شەگەرىلۋى مۇمكىن

بۇل جايىندا رەسەيدىڭ جاڭالىقتار اگەنتتىگى سيريالىق وپپوزيتسياداعى دەرەككوزىنە سىلتەمە جاساپ جازۋدا، دەپ حابارلايدى قازاقپارات.
«استانادا ءوتۋى ءتيىس وتىرىستىڭ ۋاقىتى ءالى كۇنگە دەيىن انىقتالعان جوق. مۇمكىن ول ءبىر اپتاعا شەگەرىلەتىن بولادى. بارلىعى دا كەشە باستالىپ، ەرتەڭ اياقتالۋى ءتيىس انكاراداعى قارۋلى توپتاردىڭ وتىرىسى ناتيجەسىن كۇتۋدە. قولداعى اقپاراتتارعا سايكەس استاناداعى كەلىسسوزدەرگە ساياسي كۇشتەر ەمەس تەك قارۋلى بىرلەستىكتەر عانا قاتىسادى. ياعني، ساياسي وكىلدەر قاتىسپايدى»، - دەيدى اگەنتتىك دەرەككوزى.
سونىمەن قاتار ول استاناداعى كەزدەسۋ قورىتىندىسى جەنيەۆادا باستالاتىن ساياسي ۇدەرىسپەن قاتار وقۋ اتۋدى توقتاتۋ تۋرالى قۇجاتتى كەلىسۋ بولۋى ءتيىس.
«كەزدەسۋ ماقساتى وق اتۋدى توقتاتۋ تۋرالى قۇجاتقا قول جەتكىزۋ جانە اتالعان قۇجات اياسىندا استانا ارقىلى ەمەس، جەنيەۆا ارقىلى قول جەتكىزىلەتىن (سيريا بويىنشا) ساياسي شەشىم قايتا جاڭارتىلادى»، - دەدى ول.
مۇنان بولەك، دەرەككوز جەنيەۆاداعى كەلىسسوزدەرگە استانا دەلەگاتسياسىنىڭ وكىلدەرى دە قاتىساتىندىعىن اتاپ وتكەن.