قازاقستاندىق «بۋىنسىز ادام» قىتايدا ءوتىپ جاتقان بايقاۋدىڭ فينالىنا شىقتى

ايدوس
بۇل تۋرالى 31 -ارنا حابارلايدى.
بۇل ايدوس توقتاربايەۆتىڭ قاۋىپتى تريۋگىمەن قازىلار القاسىن تاڭقالدىرىپ جاتقان اۋەسقوي ءتۇسىرىلىمدى كورەرمەندەردىڭ ءبىرى جاريالاعان. ايتپەسە، جوبا ەفيرگە شىقپاي تۇرىپ، قاتىسۋشىلارعا بايقاۋدان سۋرەت نەمەسە ۆيدەو جاريالاۋعا قاتاڭ تىيىم سالىنعان ەكەن.
«ورتا ازيا مەملەكەتتەر اراسىندا باسىندا كوماندالىق بولىپ باستالعان، كەيىننەن اركىم ءوز بەتىنشە ونەر كورسەتەدى. كورەرمەندەردى، ءادىلقازى القاسىن تاڭقالدىرۋ كەرەك. سونىمەن جارتىلاي فينالدامىز بۇيىرسا»، - دەدى تسيرك ءارتىسى ايدوس توقتاربايەۆ.
جاتتىعۋدىڭ ۇستىنەن تۇسكەن ءبىز دە ايدوستان «قوناق كادە» سۇرادىق. قازىر ۆان دامنىڭ تانىمال تريۋگىن قايتالايتىن تسيرك ءارتيسى، شپاگاتقا وتىرىپ، ەكى اياعىمەن كولىك سۇيرەيدى. تريۋك وتە قاۋىپتى. ويتكەنى كولىكتىڭ سالماعى 1 توننا بولسا، كەيىن ونىڭ ۇستىنە 50 كەلى بولاتىن 4 قاپ سەمەنت سالىنعان. تاعى ەكى جىگىت شىقتى ۇستىنە.
«نەگىزگى جوسپاردا ۇلكەن جۇك كولىگى بولعان. بۇيىرسا الدىڭعى كوكتەمدە 31 -ارنا كورەرمەندەرىنە ارناپ تاپسىرىس بەرىپ ۇلكەن جۇك كولىگى اۆتوبۋس سۇيرەسەم دەگەن وي بار»، - دەيدى ءارتىس.
ايدوستىڭ سوزىنشە، شپاگاتقا وتىرىپ ۇيرەنۋ ەشقاشان كەش ەمەس. ول ءۇشىن جاتتىعۋدى كۇنىنە ءۇش ءتورت رەت جارتى ساعاتتاي جاساۋ كەرەك. تۇراقتى تۇردە ماشىقتانۋدىڭ ناتيجەسى 2 اپتادان كەيىن-اق كورىنەدى باستايدى. ال، مامانداردىڭ ايتۋىنشا، قىز بالاعا شپاگاتقا وتىرۋ زياندى. ومىرگە ۇرپاق اكەلۋ مۇمكىندىگى كەميدى. ال، ەر ادامعا زيان جوق.