ستاليندى قارعىس اتسىن! - شەشەنستان باسشىسى

بۇل شۋعا ونىڭ Instagram جەلىسىنە جازعان سوزدەرى تۇرتكى بولعان، دەيدى.
1944 -جىلدارى جاپپاي دەپورتاتسيالانعان شەشەن حالقى 1957 -جىلدان باستاپ وتاندارىنا ورالا باستادى. قازىر شەشەنستاندا وسى اتاۋلى داتانىڭ الپىس جىلدىعىنا وراي ارنايى ءىس- شارالار ۇيىمداستىرىلىپ جاتىر. 2009 -جىلى رامزان قادىروۆ 9- قاڭتاردى ۇلتتىق مەيرام - «شەشەن حالقىنىڭ دەپورتاتسيادان ورالعان كۇنى» رەتىندە بەكىتكەن بولاتىن.
اتالمىش ءىس- شارالارعا اتسالىسقان رامزان قادىروۆ الەۋمەتتىك جەلىگە:
«ءبىزدىڭ اتالارىمىز ادام توزگىسىز سىناقتارعا ۇشىرادى. ءبىراق قايتپاس قايسارلىق پەن ەرلىكتىڭ جارقىن ۇلگىسىن كورسەتتى. دەپورتاتسيادان كەيىن ولار وتانىنا ورالىپ، جاڭا ءومىر باستادى. يوسيف ستالين شەشەن حالقى مەن باسقا حالىقتاردى قۇرتىپ جىبەرە جازدادى. ونى قارعىس اتسىن!» - دەگەن جازبا قالدىرعان.
وسى جازبادان كەيىن جەلى قولدانۋشىلارىنىڭ پىكىرى قاق جارىلىپ، بازبىرەۋى ونىڭ باتىلدىعىنا ريزا بولسا، ەندى ءبىرى كوسەمگە ءتىل تيگىزگەن ونىڭ ءوزىن قارعىستىڭ استىنا العان.
دەرەك كوزى: reactor.inform.kz