تالعات جانىبەكوۆتى قولداپ ميتينگىگە شاقىرعان ايەل ايىپپۇل تولەيتىن بولدى

ج. احمەتوۆا فەيسبۋك الەۋمەتتىك جەلىسى ارقىلى قالالىق سوت عيماراتىندا رەجيسسەر ت. جانىبەكوۆتى قولداپ ميتينگكە شىعۋعا شاقىرعان.
باسپا ءسوز قىزمەتىنىڭ حابارلاۋىنشا، سوت ايەلدى ق ر ق ك 488-بابىنىڭ 3- ءبولىمى بويىنشا، ايىپتى دەپ تاپتى. ول ەندى 50 ا ە ك كولەمىندە (113450 تەڭگە) ايىپپۇل تولەيتىن بولدى. سوت شەشىمى زاڭدى كۇشىنە ەنگەن جوق.
تالعات جانىبەكوۆ «فەنيكس» فيلمىنىڭ تۇسىرىلىمدەرىنە ارنالعان قاراجاتتىڭ جىمقىرىلۋى ىسىندە كۇدىكتى. ونىڭ كىناسى دالەلدەنسە، مۇلكى تاركىلەنە وتىرىپ، 7 جىلدان 12 جىلعا دەيىن باس بوستاندىعىنان ايىرىلادى.
ايتا كەتەيىك، وسى داۋلى فيلم بويىنشا بەلگىلى اكتەر تۇڭعىشباي جامانقۇلوۆ ۇستالىپ، كەيىن كەپىلاقىمەن بوساتىلعان ەدى.
ول 79 ميلليون تەڭگە جىمقىردى دەگەن كۇدىككە ىلىنگەن. كەيىن ول ءوز كىناسىن مويىنداپ، قاراجاتتىڭ 6 ميلليون تەڭگەسىن قايتارعان. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل جونىندەگى اگەنتتىكتىڭ ءتوراعاسى قايرات قوجامجاروۆتىڭ ايتۋىنشا، ءارتىس «قازاق فيلمگە» قارىزدى ءوندىرىپ بەرۋگە ۋادە ەتكەن.
اۆتور: الماس مۇقاش ۇلى