الماتى تۇرعىنى جولسىزبەن جۇرەتىن كولىك قۇراستىرىپ الدى

 استانا. قازاقپارات - الماتىلىق ماكسيم داۆىدوۆ كومانداسىمەن بىرگە ءوزىنىڭ جەرتولەسىندە جولسىزبەن جۇرەتىن كولىك قۇراستىرىپ شىعاردى. بۇل جايىندا Tengrinews.kz سايتى اقپارات تاراتتى.
None
None

قۇراستىرۋشىلار ءوز تۋىندىسىن "ياشەر" (كەسىرتكە) دەپ اتاپتى. "كەمەگە قانداي ات قويساڭ، سولاي جۇزەدى" دەپ جاتادى. ءبىزدىڭ كولىك قارمەن، لايمەن جانە ءتۇز دالادا جۇرۋگە ارنالعان. ءبىزدىڭ كومپانيا مۇنايگاز قۇبىرلارىن قاداعالاۋمەن اينالىسادى، ال مۇندايدا نەشە ءتۇرلىسى بولادى، مۇناي دا توگىلۋى مۇمكىن. وسىنداي جاعدايلاردا ادەتتەگى كولىكتىڭ ءوتۋى قيىن جەرلەرگە دە اتتانۋ كەرەك بولادى. بۇل ءۇشىن ارنايى تەحنيكا قاجەت. ءبىز ءتۇرلى تەحنيكا قاراپ كوردىك، ءبىراق تىم قىمبات بولدى. ال ءبىزدىڭ كولىك 5,5 ميلليون تەڭگەگە ءتۇستى"، - دەيدى داۆىدوۆ.

 "ياشەردى" قۇراستىرعان كەزدە قوسالقى سايماندار رەتىندە رەسەيلىك كولىك قۇراستىرۋشىلاردىڭ ونىمدەرى پايدالانىلعان. قۇراستىرۋشىلاردىڭ سوزىنشە، ىستەن شىققان جاعدايدا ولاردى تابۋ وڭاي بولادى. كولىك قوزعالتقىشىنىڭ كولەمى 1,5 ليتر.


بۇل كولىكتى جاساۋعا توعىز اي كەتكەن. "ەڭ باسىندا بۇل جوبامەن ءتورت ادام اينالىسقان. ارينە، كۇمان بولدى، ءبىراق ءىستىڭ ناتيجەسى كورىنە باستاعاندا سەنىمدىلىك پايدا بولدى. قاڭقاسىن جەرتولەدە جيناپ، سول جەردە بەكىتتىك. نەگىزگى بولشەكتەرىن دالادا، شاتىر استىندا جيناستىردىق"، - دەيدى الماتىلىق.

قۇراستىرۋشىلار تۋىندىلارى ويداعىدان ارتىق بولىپ شىققانىن ايتادى. "ءبىزدىڭ قازىر قۇراعانىمىز، ويىمىزداعى كولىكتەن ارتىق بولىپ شىقتى. ارينە، كەمشىلىكتەر بار. ماسەلەن، قيعاشىنان ورنالاسۋ كەرەك بولعان قوزعالتقىشتىڭ ۇزىننان جاتۋى، بەرىلىس قورابى جەتىلدىرىلمەدى. ءبىراق جالپىلاي ءىس ءبىتتى دەگەن ويدامىن"، - دەيدى داۆىدوۆ.


 داۆىدوۆتىڭ سوزىنشە، ەلىمىزدە "ياشەردىڭ" بالاسى جوق. قازىر قۇراستىرۋشىلار جول ءوتىمى "ياشەردەن" ارتىق بولاتىن ەكىنشى كولىك جاساۋعا كىرىسپەك.

سوڭعى جاڭالىقتار