الەمدەگى ەڭ قىمبات نوۋتبۋك ۇرلاندى
بۇل نوۋتبۋكتاردىڭ ەكى پروتوتيپتىك مودەلى لاس ۆەگاستاعى CES 2017 تەحنولوگيالىق كورمەسىندە ۇسىنىلعان. Razer كومپانياسىنىڭ ءونىمى - ورتا ەكراننىڭ قوس قاپتالىنان شىعاتىن (اۆتوماتتى مەحانيزمگە نەگىزدەلگەن) ەكى ەكرانى ( 4ك) بار ويىنعا ارنالعان نوۋتبۋك بولاتىن. ءۇش ەكرانى دا 17in كولەمىندە (43 س م).
Razer- دىڭ ايتۋى بويىنشا، نوۋتبۋكتار كورمەدەگى ستەندتە ءىلۋلى تۇرعان جەرىنەن قولدى بولعان. اتقارۋشى ديرەكتور مين- ليان- تان بۇل «اسا ماڭىزدى» ماسەلە ەكەندىگىن جەتكىزدى. سەبەبى، بۇل تاۋارلاردىڭ ءارقايسىنا $ 25,000 (£ 20,600) قاراجات ۇسىنىلعان.
«ءبىزدىڭ كوماندا اتالمىش جوبانى جۇزەگە اسىرۋ مەن ونى دامىتۋ ءۇشىن ايلاپ ەڭبەك ەتتى. بۇل ارەكەت - دۇرىس ەمەس. ۇرلىق جاساعىسى كەلگەن ادام اسا قاتتى اقىلدى ادام ەمەس ەكەندىگى - انىق»، - دەيدى تان مىرزا Facebook-تەگى پاراقشاسىندا.
"The Qazaq Times"
