بىرىككەن اراب امىرلىكتەرىنىڭ اۋعانستانداعى ەلشىسى جارالاندى

ءابۋ- دابي. قازاقپارات - بىرىككەن اراب امىرلىكتەرىنىڭ اۋعانستانداعى ەلشىسى مەن قانداعار پروۆينتسياسىنىڭ گۋبەرناتورى سەيسەنبى كۇنى بولعان تەراكتىدە جاراقاتتاندى، دەپ حابارلايدى «قازاقپارات» ح ا ا مەنشىكتى ءتىلشىسى.

ب ا ءا سىرتى ىستەر مينيسترلىگى اتالعان حاباردى راستادى جانە ەلشى ءال كاابيدىڭ قانداعاردا بىرىككەن اراب امىرلىكتەرىنىڭ اۋعانستان حالقىنا كومەگى باعدارلاماسى اياسىندا گۋمانيتارلىق ميسسيامەن جۇرگەنىن اتاپ ءوتتى.

«ەلشى ءال كاابي كاردان ۋنيۆەرسيتەتىمەن ءوزارا تۇسىنىستىك تۋرالى مەموراندۋمگە قول قويۋ ءۇشىن جانە حاليفا بەن زايەد ءال ناحايان قورىنىڭ ستيپەندياسىمەن قولداۋ كورسەتۋ ءۇشىن بارعان»، - دەلىنگەن اۋعانستان س ى م مالىمدەمەسىندە.

 لاڭكەستەر پروۆينتسيا گۋبەرناتورىنىڭ ب ا ءا ديپلوماتتارىن قابىلداعان قوناق كۇتۋ ۇيىنە شابۋىل جاسادى. اۋعاندىق ب ا ق شابۋىلدان ەڭ كەمى توعىز ادامنىڭ مەرت بولعانىن حابارلادى.