10:33, 11 - قاڭتار 2017 | GMT +5
وتكەن عاسىردىڭ باستى جاڭالىعىن جاريالاعان ءتىلشى قايتىس بولدى
استانا. قازاقپارات - ەكىنشى دۇنيەجۇزىلىك سوعىستىڭ باستالعانىن ەڭ ءبىرىنشى بولىپ حابارلاعان بريتاندىق جۋرناليست كلەر حوللينگۆورت 105 جاسىندا گونكونگتە ومىردەن وزدى، دەپ حابارلايدى ر ي ا نوۆوستي.

ءبىر كەزدەرى حوللينگۆورت Telegraph-تا اسكەري ءتىلشى بولىپ ەڭبەك ەتتى. «شەتەلدىك كوررەسپوندەنتتەر كلۋبى (FCC) سۇيىكتى كلەر حوللينگۆورتتىڭ باقيلىق بولعانىن اسا وكىنىشپەن حابارلايدى» ، - دەلىنگەن كلۋب مالىمدەمەسىندە.
«شەتەلدىك جۋرناليست رەتىندە كلەر تاماشا مانساپ جاسادى، ونىڭ ەكىنشى دۇنيەجۇزىلىك سوعىستىڭ باستالعانى جايلى حابارى ⅩⅩ عاسىردىڭ سەنساتسيالىق جاڭالىعى بولدى»، - دەپ جازدى Telegraph گازەتى.