قازاقستان پرەزيدەنتىنىڭ ۇندەۋى ب ۇ ۇ قاۋىپسىزدىك كەڭەسىنىڭ الاڭىندا تانىستىرىلدى

نيۋ- يورك قالاسىندا وتكەن شارا اياسىندا قازاقستاننىڭ سىرتقى ىستەر ءمينيسترى قايرات ءابدىراحمانوۆ پرەزيدەنت نۇرسۇلتان نازاربايەۆتىڭ «قاۋىپسىز، ءادىل جانە گۇلدەنگەن الەم قۇرۋ ءۇشىن جاھاندىق ارىپتەستىكتى نىعايتۋعا قازاقستاندىق تۇجىرىمدامالىق كوزقاراس» اتتى ساياسي جولداۋىن تانىستىردى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.
ءىس- شاراعا ب ۇ ۇ باس حاتشىسى انتونيۋ گۋتەرريش، ۇلى بريتانيا، يتاليا، لاتۆيا، پولشا، فرانسيا، نيدەرلاندى، ۋكراينا، شۆەتسيا، ەفيوپيا جانە جاپونيانىڭ سىرتقى ساياسي ۆەدومستۆولارىنىڭ باسشىلارى جانە سىرتقى ىستەر مينيسترلەرىنىڭ ورىنباسارلارى، رەسەي، قىتاي، ا ق ش جانە ب ۇ ۇ- عا مۇشە باسقا دا مەملەكەتتەردىڭ اتالمىش ۇيىم جانىنداعى تۇراقتى وكىلدەرى قاتىستى.
قاۋىپسىزدىك كەڭەسىنىڭ مۇشەلەرى جانە ب ۇ ۇ ەلدەرىنىڭ وكىلدەرى پىكىرتالاستار بارىسىندا شيەلەنىستەردىڭ الدىن الۋ جانە بەيبىتشىلىكتى ساقتاۋ سالاسىنداعى وزدەرىنىڭ ۇلتتىق باسىمدىقتارى تۋرالى مالىمدەدى، سونداي- اق بۇكىلالەمدىك ۇيىم قىزمەتىنىڭ وسى باسىمدىقتى باعىتتارى بويىنشا جاڭا باس حاتشىنىڭ جۇمىسىنا قولداۋ ءبىلدىردى.
پىكىرتالاستار بارىسىندا قازاقستاننىڭ سىرتقى ىستەر ءمينيسترى 2017-2018 -جىلدار كەزەڭىندە قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستان وكىلەتتىكتەرىنىڭ باستالۋىنا وراي مەملەكەت باسشىسىنىڭ ساياسي جولداۋىن جاريالادى.
ق. ءابدىراحمانوۆ بۇل جولداۋدىڭ مەملەكەت باسشىسىنىڭ 2016 -جىلعى 31 - ناۋرىزداعى «الەم. 21 - عاسىر» مانيفەسىنىڭ قاعيداتتارىنا نەگىزدەلەتىندىگىن جانە ونى شىعارماشىلىق تۇرعىدان دامىتاتىندىعىن اتاپ كورسەتتى. پرەزيدەنت ن. نازاربايەۆتىڭ يادرولىق قاۋىپسىزدىك جونىندەگى IV سامميت اياسىندا ۇسىنىلعان باعدارلامالىق قۇجاتىنىڭ ب ۇ ۇ- نىڭ 100 جىلدىق مەرەيتويىنا قارسى يادرولىق قارۋسىز الەم قۇرۋ ماقساتىندا حالىقارالىق بەيبىتشىلىك پەن قاۋىپسىزدىكتى نىعايتۋ، سونداي- اق بەيبىتشىلىك، قاۋىپسىزدىك جانە دامۋ اراسىنداعى اجىراماس بايلانىستى قامتاماسىز ەتە وتىرىپ، عالامشاردى سوعىستار مەن شيەلەنىستەردەن ارىلتۋ ىسىندە كۇش- جىگەردى بىرىكتىرۋ جانە ىنتىماقتاسۋ قاجەتتىگىنە باسا نازار اۋدارعاندىعى بەلگىلى.
جولداۋدا اتاپ كورسەتىلگەندەي، «قازاقستان كەڭەستە بەيبىتشىلىك پەن قاۋىپسىزدىكتى ساقتاۋ مەن نىعايتۋدىڭ ءبىرىنشى كەزەكتەگى ماڭىزدىلىعىن نەگىزگە الا وتىرىپ، ونىڭ بۇكىل كۇن ءتارتىبى بويىنشا ءادىل جانە شىنايى جۇمىس ىستەيتىن بولادى». ن. نازاربايەۆتىڭ ايتۋىنشا، استانا «قاۋىپسىزدىك كەڭەسىنىڭ بارلىق مۇشەلەرىمەن تەڭ قۇقىلى نەگىزدە ىنتىماقتاسا جۇمىس ىستەۋگە، حالىقارالىق بەيبىتشىلىك پەن قاۋىپسىزدىكتى نىعايتۋ ماقساتىندا ىمىراعا قول جەتكىزىپ، ءباتۋالاستىقتىڭ قالىپتاسۋىنا سەپتىگىن تيگىزۋگە نيەتتى».
وسىعان وراي، جولداۋدا ب ۇ ۇ ق ك تۇراقتى ەمەس مۇشەسى رەتىندەگى قازاقستان جۇمىسىنىڭ باسىمدىقتارى اتاپ كورسەتىلدى. ولاردىڭ قاتارىندا يادرولىق قارۋسىز الەمدى جاقىنداتۋ، جاھاندىق سوعىس قاتەرىن بولدىرماۋ، اۋعانستانداعى بەيبىتشىلىككە ىقپالداسۋ، ورتالىق ازيادا بەيبىتشىلىكتىڭ وڭىرلىك ايماعىن قالىپتاستىرۋ، ب ۇ ۇ قامقورلىعىمەن جاھاندىق لاڭكەستىككە قارسى كواليتسيا (جەلى) قۇرۋ، افريكانىڭ بەيبىت دامۋىنا جاردەمدەسۋ، ب ۇ ۇ- نىڭ ورنىقتى دامۋ ماقساتتارىن، بەيبىتشىلىك، قاۋىپسىزدىك جانە دامۋ اراسىنداعى اجىراماس بايلانىستى ىلگەرىلەتۋ، ب ۇ ۇ- نى 21 - عاسىر تالاپتارىنا بەيىمدەۋ جانە جاھاندىق پروبلەمالاردى شەشۋ ءۇشىن ۇجىمدىق ساياسي ەرىكتى نىعايتۋ ماقساتىندا مەملەكەتتەر مەن ۇكىمەتتەر باسشىلارى دەڭگەيىندە ق ك- نە مۇشە مەملەكەتتەردىڭ تۇراقتى كەزدەسۋلەر تەتىگىن كەلىسۋ بار.
مەملەكەت باسشىسى ءوز جولداۋىندا اتاپ كورسەتكەندەي، «قازاقستان كەڭەستە بارلىق مۇشە ەلدەرمەن اتالمىش باسىمدىقتى باعىتتار بويىنشا اشىق، ءادىل جانە ساياسي جاعداياتسىز، جاۋاپتى، سالماقتى جانە سىندارلى تۇردە جۇمىس ىستەۋگە نيەتتى».
وسىعان وراي، قۇجاتتا «قازاقستاننىڭ ماڭىزدى ماقساتقا - 21 - عاسىردا الەمدى قاۋىپسىز، ءادىل جانە گۇلدەنگەن الەمگە اينالدىرۋ ماقساتىنا قول جەتكىزۋ جونىندەگى ءوز باستامالارىنا ارىپتەستەرىنىڭ تاراپىنان قولداۋ كورسەتىلەتىندىگىنە سەنىم بىلدىرەتىندىگى» ايتىلادى.
قازاقستاندىق تاراپ سونداي- اق پىكىرتالاس قاتىسۋشىلارىنىڭ نازارىن پريەۆەنتيۆتى ديپلوماتياداعى، سەنىم شارالارىن ىلگەرىلەتۋ مەن نىعايتۋداعى، جاپپاي قىرىپ- جويۋ قارۋىن تارتپاۋداعى، داۋ- جانجالداردى رەتتەۋدەگى جانە حالىقارالىق لاڭكەستىككە قارسى ارەكەت ەتۋدەگى بىرلەسكەن كۇش- جىگەردىڭ ماڭىزدىلىعىنا اۋداردى. قازاقستان باسشىلىعىنىڭ استانادا سيريادا بەيبىتشىلىك ورناتۋ بويىنشا كەلىسسوزدەر الاڭىن ۇسىنۋعا دايىن ەكەندىگى تاعى دا اتاپ كورسەتىلدى.
قازاقستان پرەزيدەنتىنىڭ جولداۋى وتىرىس قاتىسۋشىلارىنىڭ جوعارى باعاسىنا يە بولدى. بۇدان باسقا، ونى ب ۇ ۇ ق ك رەسمي قۇجاتى رەتىندە تىركەۋ تۋرالى شەشىم قابىلداندى.
نيۋ- يوركتەگى ساپار بارىسىندا سونداي- اق ق. ءابدىراحمانوۆتىڭ ب ۇ ۇ باس حاتشىسى ا. گۋتەرريشپەن كەزدەسۋى بولىپ ءوتتى. كەزدەسۋ بارىسىندا استانانىڭ قاۋىپسىزدىك كەڭەسىنە مۇشەلىگى باعدارلاماسىنىڭ وزەكتى ماسەلەلەرىن جانە قازاقستان مەن بۇۇ ىنتىماقتاستىعىنىڭ كوپ قىرلى كۇن ءتارتىبىن تالقىلاندى.