سەمەيدە اۋىلدان تۋىسقاندارىنا كەلگەن ايەل دۇربەلەڭ تۋدىردى

استانا. قازاقپارات - سەمەيگە الىس ايماقتان تۋىستارىنا كەلگەن ايەل قۇتقارۋ قىزمەتىن ابىگەرگە سالدى.
None
None

بۇل تۋرالى ەكسپرەسس ك حابارلايدى.

سەمەيگە تۋىستارىنىڭ ۇيىنە كەلگەن ايەل توسىننان قۋانتۋ ءۇشىن ەشكىمگە الدىن الا حابارلاسىپ ەسكەرتپەگەن ەكەن. ول تۋىستارىنىڭ ۇيىنە كەلگەندە ۇيىندە ەشكىم بولماي شىعادى. سوسىن قولىنداعى سومكەسىن پودەزد (كىرەبەرىس) الدىنا قويىپ، ءۇي يەلەرىن ىزدەۋگە شىعىپ كەتەدى. الايدا، يەسى جوق سومكەدەن كۇدىكتەنگەن كورشىلەرى ارنايى قىزمەتكەرلەرگە حابارلاسادى. توتەنشە جاعداي قىزمەتكەرلەرى سومكەنى تەكسەرە وتىرىپ، وندا قازى- قارتا سىندى تۋىستارىنا اكەلگەن زاتتان باسقا ەشنارسە تاپپايدى.

ايەل ادامنىڭ مۇنى ادەيى جاساماعانى انىقتالعاندىقتان ونى جازالامايدى. الايدا، كەلەسى جولى قوناققا كەلەتىنىن الدىن الا ەسكەرتكەنى ءجون ەكەنىن ايتتى.

سوڭعى جاڭالىقتار