قىتاي الماتىداعى ۋنيۆەرسياداعا تۇڭعىش رەت سپورتشىلاردىڭ ەڭ كوپ سانىن جىبەرەدى

قىتاي قۇراماسىنا 119 سپورتشى ستۋدەنت كىرىپ وتىر، ولار ويىندار بارىسىندا قىسقى سپورتتىڭ 12 ءتۇرى بويىنشا مەدالداردى ساراپقا سالادى.
2017-جىلدىڭ 5- قاڭتارىندا ق ح ر- ءدىڭ حاربيندەگى سپورت ۋنيۆەرسيتەتىندە الماتىداعى ۋنيۆەرسياداعا قاتىساتىن سپورتشىلاردىڭ ەسىمدەرى جاريالاندى. ولار قىتايدىڭ 7 پروۆينتسياسى، اۆتونومدىق ايماعى مەن مۋنيتسيپاليتەتىندە ورنالاسقان 17 ۋنيۆەرسيتەتتىڭ ستۋدەنتتەرى بولىپ تابىلادى. اسپان استى ەلى قىسقى ۋنيۆەرسيادا ويىندارىنا قاتىسقان ءوزىنىڭ بۇكىل تاريحىندا العاش رەت سپورتشىلاردىڭ ەڭ كوپ سانىن جىبەرىپ وتىر.
قىتايدىڭ ستۋدەنتتىك سپورت فەدەراتسياسى ءوز سپورتشىلارىنىڭ الەۋەتىن جوعارى باعالاپ، مىقتى قۇراما جينالعاندىعىن ايتۋدا. ولار 60 تان استام سپورت دوداسىنا قاتىساتىن بولادى.
«ءبىزدىڭ سپورتشىلار قازاقستان مادەنيەتىمەن تانىسىپ، شەتەلدىك قاتىسۋشىلارمەن دوستىق بايلانىستاردى ورناتادى دەپ ۇمىتتەنەمىن. قابىلداۋشى جاق كۇندە دەرلىك بىرلەسكەن كەزدەسۋلەردى ۇيىمداستىراتىندىقتان، ءتۇرلى ەلدەردەن كەلگەن جاستار ءبىر-بىرىمەن دوستاسىپ كەتەدى دەگەن ۇمىتتەمىز»، - دەدى ۋنيۆەرسيادا-2017 ويىندارىنداعى قىتاي سپورت دەلەگاتسياسىنىڭ باسشىسى يانگ ليگۋو.
ستۋدەنتتەر سپورتتاعى بەلسەندى ۇستانىمى ارقىلى قىتايدىڭ 300 ميلليوننان اسا تۇرعىنىن شاڭعى مەن كونكيدى ۇيرەنۋگە جىگەرلەندىرمەك.