04:07, 10 - قاڭتار 2017 | GMT +5
قىتاي بيزنەسمەندەرى قازاق جەرىن جاۋلاپ الماق ەمەس - ەلشى حانحۋي
استانا. قازاقپارات - قىتاي بيزنەسمەندەرى قازاق جەرىن جاۋلاپ الماق ەمەس.

بۇل تۋرالى بۇگىن «ۇلى جىبەك جولىندا بىرگە» بايقاۋىنىڭ جەڭىمپازدارىن ماراپاتتاۋ اياسىندا ب ا ق وكىلدەرىنە سۇحبات بەرگەن قىتايدىڭ قازاقستانداعى توتەنشە جانە وكىلەتتى ەلشىسى جاڭ حانحۋي ءمالىم ەتتى، دەپ حابارلايدى قازاقپارات.
«قىتاي بيزنەسمەندەرى جەردى جاۋلاپ الۋعا مۇددەلىلىك تانىتپايدى. ولار بۇل جەردە قازاقستاندىق سەرىكتەستەرىمەن بىرلەسە جۇمىس ىستەۋدە»، - دەدى ەلشى.
وسى رەتتە قىتاي ەلشىسى جەر تەلىمدەرىن بەرۋ ماسەلەسىن قازاقستاندىق تاراپ ءوزى شەشۋى قاجەتتىگىن باسا ايتتى.
«جاڭا كاسىپورىندار سالۋ ءۇشىن جەر تەلىمدەرىن بولۋگە قاتىستى ايتار بولسام، بۇل قازاقستاندىق تاراپتىڭ قامقورلىعى، ال قىتاي تاراپىندا تەحنولوگيا دا، كاپيتال دا بار. ياعني، بىرلەسكەن جۇمىس، ودان باسقا تۇك تە ەمەس»، - دەدى ديپلومات.