تاسماعامبەتوۆ زاڭسىز جەكەشەلەندىرىلگەن «ديدار» تەلەارناسىنا قاتىستى تەكسەرىس جۇرگىزۋدى تاپسىردى

استانا. قازاقپارات - ۆيتسە-پرەمەر يمانعالي تاسماعامبەتوۆ «ديدار» جەزقازعاندىق تەلەارناسىنىڭ ساتىلىمى بارىسىندا ب ا ق- تى جەكەشەلەندىرۋ ەرەجەلەرىنىڭ بۇزىلۋىن قالپىنا كەلتىرۋگە ءبىر اپتا ۋاقىت بەردى، دەپ حابارلايدى «قازاقپارات» ح ا ا ءتىلشىسى ق ر پرەمەر-ءمينيسترىنىڭ باسپا ءسوز قىزمەتىنە سىلتەمە جاساپ.

«ق ر پرەمەر-ءمينيسترىنىڭ ورىنباسارى يمانعالي تاسماعامبەتوۆ سايكەس ورگاندارعا وڭىرلىك ب ا ق- تى جەكەشەلەندىرۋ ماسەلەسىنە قاتىستى ق ر ۇكىمەتىنىڭ قابىلداعان قاۋلىسىنىڭ بۇزىلۋىنا جول بەرگەن تۇلعالاردى جاۋاپقا تارتۋدى تاپسىردى. 2016 -جىلدىڭ 30 -جەلتوقسان كۇنى «جەزقازعان قالالىق «ديدار» تەلەراديوحابار تاراتۋ ديرەكسياسى» ج ش س جەكەشەلەندىرىلدى. الايدا، بۇل نىسان مەملەكەت باسشىسىنىڭ تاپسىرماسىنا (2016 ج. 25 -قاراشاسىنداعى № 286-1) جانە ق ر ۇكىمەتىنىڭ قارارىنا (2016 ج. 8 -جەلتوقسان 21-35/ي-544) سايكەس، جەكەشەلەندىرۋلەر تىزىمىنەن الىنىپ تاستالدى»، - دەپ ايتىلادى حابارلامادا.

ۆيتسە-پرەمەر قاراعاندى وبلىسىنىڭ اكىمى مەن قۇزىرلى مەملەكەتتىك ورگاندارعا جەتى كۇننىڭ ىشىندە تەكسەرىس جۇرگىزىپ، كەلىسىمدى جارامسىز دەپ تانۋ ارقىلى انىقتالعان زاڭ بۇزۋشىلىقتاردى جويۋ تۋرالى شارالار قابىلداۋدى تاپسىردى. بۇعان قوسا، تاسماعامبەتوۆ كىنالىلەردى جاۋاپقا تارتۋدى تالاپ ەتتى.

ايتىلىپ وتىلگەندەي، وڭىرلىك اقپاراتتىق ساياساتتا، ەلىمىزدىڭ اقپاراتتىق قاۋىپسىزدىگىن قورعاۋ ماقساتىندا مەملەكەت ىقپالىنىڭ ساقتالىپ قالۋىنا وراي مەملەكەت باسشىسىنىڭ تاپسىرماسىنا سايكەس 29 وڭىرلىك ب ا ق جەكەشەلەندىرىلەتىن نىساندار تىزىمىنەن الىنىپ تاستالعان.

بۇرىن حابارلانعانداي، «ديدار» جەزقازعاندىق تەلەارناسى ءۇشىنشى ساتىلىمدا 37 ميلليون تەڭگەگە جەكەشەلەندىرىلدى. بارلىق 7 قاتىسۋشىنىڭ اراسىنان كوپ قارجى ۇسىنعان جەكە كاسىپكەر جەڭىمپاز دەپ تانىلعان ەدى.