تايلاندتا جاۋىن-شاشىن ميلليونداعان ادامدى باسپاناسىز قالدىردى

استانا. قازاقپارات - تايلاندتا سۋ تاسقىنىنان زارداپ شەككەندەرگە كومەك جيناۋدا. ميلليوننان استام تۇرعىن باسپانادان ايىرىلسا، ءتورت مىڭنان استام ەلدى مەكەن سۋ استىندا قالدى. 19 ادام قازا تاپتى.
None
None

ادەتتە جاڭا جىل كەزەڭىندە تايلاندتا كۇن شىعىپ، قۇرعاق اۋا رايى بولۋشى ەدى. وسى جولى كورولدىكتىڭ وڭتۇستىگىندە ءبىر اپتا تولاسسىز جاۋىن جاۋدى.

تايلىق 10 پروۆينتسيادا سۋ باسقان ۇيلەردەن ميلليونعا جۋىق ادام ەۆاكۋاتسيالاندى.

ءبىرقاتار قالالاردا كوممۋنيكاتسيا تولىقتاي زاقىمداندى. كوشەدە قايىقپەن جانە سالمەن جۇرۋگە عانا مۇمكىندىك بار. زارداپ شەككەندەردى اۆاريالىق-قۇتقارۋ قىزمەتتەرى مەن اسكەرلەر ەۆاكۋاتسيا ورتالىعىنا اكەلۋدە. ال اكەتە الماعان ادامدارعا تىكۇشاقپەن تاعام، سۋ جەتكىزىلۋدە. جاعدايدى ەلدىڭ پرەمەرى باقىلاۋىنا الدى.

سوڭعى جاڭالىقتار