ەلوردادا مۇزدى سۋعا شومىلۋ ماۋسىمى اشىلدى

مۇز ۇستىندە ويىق جاساۋ جانە جۇگىرىپ كەلۋ - قايروللا كوپتىلەۋوۆتىڭ جەكسەنبى كۇنگى ۋاقىتى وسىلاي باستالادى. بۇرىنعى اسكەري قىزمەتكەر دەنساۋلىعىن تۇزەتپەك بولىپ، ءۇش جىل بۇرىن وسى باعىتقا دەن قويعان.
«مەن بۇعان دەيىن سۋىق ءتيىپ كوپ اۋىردىم. قىستان قورقاتىنمىن. كۇزدىگۇنى دەپرەسسياعا تۇسە باستايمىن. كەيىن شىنىعۋدى ويلادىم. ءۇشىنشى قىس بولدى، تۇماۋدان ادامىن»، - دەيدى «سەرگەكتىك» كلۋبىنىڭ مۇشەسى قايروللا كوپتىلەۋوۆ.
اتالمىش كلۋبتى ايازدى كۇندەرى سۋعا ءتۇسۋدى جاندارى سۇيەتىن ادامدار قۇرعان. ءقازىر ولاردىڭ سانى 200-گە جەتكەن.
«جەرگىلىكتى مورجدار ءتىپتى، ەۋروپالىقتاردىڭ تاڭدايىن قاقتىرۋدا»، - دەيدى كلۋب جەتەكشىلەرىنىڭ ءبىرى رۋسلان مولدىبايەۆ.
قىستىڭ قاتال قۇرلىقتىق كليماتىندا سۋعا ءتۇسۋ ەڭ توزىمدىلەردىڭ عانا قولىنان كەلەدى. ءبىراق سۋعا سۇڭگىمەس بۇرىن، دەنەنى قىزدىرىپ الۋ قاجەت.
«وتكەن جىلى ءبىز پولشادا دۇنيەجۇزىلىك مورجدار فەستيۆالىنە قاتىستىق. بالتىق تەڭىزى قاتپايدى. ولاردا اۋا رايى بىزگە قاراعاندا اناعۇرلىم جۇمساق، جىلىراق. ءبىزدىڭ قانداي اۋا رايى جاعدايىندا سۋعا تۇسەتىنىمىزگە، جۇگىرەتىنىمىزگە ولار تاڭدانىستارىن ءبىلدىردى»، - دەپ اتاپ ءوتتى «سەرگەكتىك» مورجدار كلۋبى ديرەكتورىنىڭ ورىنباسارى رۋسلان مولدىبايەۆ.
تاجىريبەلى مورجداردىڭ ايتۋىنشا، قىستىگۇنى سۋ ىشىندە 5 مينۋتتان ارتىق تۇرۋعا بولمايدى. سۋدان شىققاننان كەيىن دەرەۋ كيىنىپ، ىستىق ءشاي ءىشۋ كەرەك.
دەرەككوز: «حابار 24» ارناسى.