ءبىر جاسار ءسابي بەسىكتىڭ ارقاسىندا قۇلاعان ۇيدە امان قالدى

استانا. قازاقپارات - ارۋجان ەسىمدى ءسابي شىمكەنتتە جارىلىس سالدارىنان وپىرىلىپ قۇلاعان ۇيدە بەسىكتىڭ ارقاسىندا امان قالعان.
None
None

 ءبىر جاسار قىز بالانى ءۇي قيراندىلارىنىڭ استىندا قالىپ قويۋ قاتەرىنەن بەسىك قۇتقارىپ قالعان. ال ۇيىندىلەردىڭ اراسىنان بەسىكتە جاتقان نارەستەنى ءبىرىنشى بولىپ كومەككە جەتكەن رۋسلان باحراموۆ الىپ شىقتى، دەپ حابارلايدى قازاقپارات otyrar.kz سايتىنا سىلتەمە جاساپ.

الدىن الا بولجامعا سايكەس، ءۇيدىڭ قۇلاۋى گاز- اۋا قوسپاسىنىڭ جارىلىسىنان بولعان. جارىلىس كەزىندە بەسىكتىڭ ۇستىنە توبەنىڭ ۇلكەن ءبىر بولىگى تۇسكەن. بەسىك قاڭقاسىنىڭ جوعارعى بولىگى بالانى اۋىر جاراقاتتاردان ساقتاپ قالعان.

ءبىراق وقيعا ورنىنا جەتكەن جەدەل جاردەم قىزمەتى بالانى تەكسەرۋ ءۇشىن اۋرۋحاناعا جەتكىزدى. وكىنىشكە قاراي، ارۋجاننىڭ اناسىن قۇتقارۋ مۇمكىن بولمادى. ءسابينا العان جاراقاتتارىنان كوز جۇمدى. شىمكەنتتىڭ جەدەل مەديتسينالىق كومەك اۋرۋحاناسىندا زارداپ شەككەن ءبىر ادام جاتىر، تاعى ءبىرى - كۇيىك ورتالىعىندا.

ەسكە سالايىق، 8 - قاڭتاردا شامامەن ساعات 03:30-دا شىمكەنت قالاسىنداعى حالىقتار دوستىعى كوشەسىندە ورنالاسقان ەكى قاباتتى تۇرعىن ۇيدە گاز باللونى جارىلىپ، باسپانا وپىرىلىپ قۇلاعان بولاتىن.

 جارىلىس بولعان ۇيگە ءبىرىنشى بولىپ، جاقىن ماڭدا تۇراتىن ق ر ۇلتتىق ۇلانىنىڭ قىزمەتشىسى ستارشينا رۋسلان باحراموۆ جەتتى.

وقىس وقيعادان 1988 -جىلى تۋعان ءسابينا ورىنبايەۆا قازا بولدى. تاعى ءتورت ادام زارداپ شەكتى: قارلىعاش احانوۆا 1996 -جىلى تۋعان (2 -دارەجەلى كۇيىك جاراقاتى)، ءاسيا ورىنبايەۆا 1957 -جىلى تۋعان (دەنە جاراقاتى)، داۋرەن جۇماليەۆ 1985 -جىلى تۋعان (دەنە جاراقاتى)، ارۋجان داۋىلباي 2015 -جىلى تۋعان (دەنە جاراقاتى).

سوڭعى جاڭالىقتار