وڭتۇستىك كورەيا مەن ا ق ش كيم چەن ىندى ءولتىرۋ ءۇشىن ارنايى توپ قۇرماق

استانا. قازاقپارات - وڭتۇستىك كورەيانىڭ قارۋلى كۇشتەرى مەن ا ق ش- تىڭ اسكەريلەرىنەن قۇرالعان ءبولىم ەگەر كورەيا تۇبەگىندە سوعىس باستالسا، ك ح د ر- نىڭ پرەزيدەنتى كيم چەن ىندى ءولتىرۋ ءۇشىن ارنايى توپ قۇرۋدى جوسپارلاپ وتىر، دەپ حابارلايدى «رەنحاپ» اقپارات اگەنتتىگى كورەيا رەسپۋبليكاسىنىڭ قورعانىس مينيسترلىگىندەگى دەرەككوزىنە سىلتەمە جاساپ.
None
None

ارنايى ماقساتتا قۇرىلاتىن توپتىڭ قۇرامىندا 1000 نان 2000 عا دەيىن اسكەر بولۋى مۇمكىن. وڭتۇستىك كورەيا بيلىگى بۇل جاساقتى وسى جىلى قۇرماق نيەتتە. دەرەككوزدىڭ ايتۋىنشا، ا ق ش اسكەريلەرى كورەيا رەسپۋبليكاسىنىڭ قارۋلى كۇشتەرىنە باعىناتىن بولادى.

سوڭعى دەرەكتەرگە سۇيەنسەك، كورەيا تۇبەگىندەگى ساياسي احۋال ۋشىعا تۇسۋدە. وسى ورايدا ۆاشينگتون مەن سەۋل وسى جىلى وقۋ-جاتتىعۋ جيىنىنىڭ سانىن وسىرۋگە كەلىسكەن. ەگەر ەكى كورەيا اراسىندا سوعىس وتى تۇتانسا، ارنايى قۇرىلاتىن جاساققا سولتۇستىك كورەيانىڭ جوعارى اسكەري شەندى باسشىلارى مەن پرەزيدەنتتىڭ كوزىن جويۋ مىندەتى تاپسىرىلادى.

Baq.kz

سوڭعى جاڭالىقتار