تانىمال كاسىپقوي قازاق بوكسشىسى قانداستارىنا شاپان جاۋىپ شىعارىپ سالدى

استانا. قازاقپارات - الماتىدا كاسىپقوي بوكستان تانىمال قازاق بوكسشىسى ايدار شارىبايەۆ قىتايدان كەلگەن قانداستارىنا شاپان جاۋىپ شىعارىپ سالدى، دەپ حابارلايدى قازاقپارات ءتىلشىسى.

قىتايدان كەلگەن قانداستارىمىز الماتىعا تاجىريبە الماسۋ ماقساتىندا وقۋ-جاتتىعۋ جيىنىن وتكىزگەن.

وسى وقۋ-جاتتىعۋ جيىنى بارىسىندا شارىبايەۆ قىتايدان كەلگەن قازاق بوكسشىلارىنىڭ ونەرىنە ءدان ريزا بولىپ، «Aidar Classis» بوكس كلۋبىندا قوناقتارىنا اق داستارحان جايىپ، قۇرامانىڭ باس باپكەرىنە قازاقتىڭ ءداستۇرلى سالتى بويىنشا شاپان جاپتى.

شارىبايەۆ ءوزىنىڭ ينستاگرام پاراقشاسىندا: «قىتايدان كەلگەن كوماندا باپكەرىنە اتا سالتىمىزبەن شاپان جاۋىپ، سىيلىقتار تابىستادىق. قۇراما ساپىنداعى قازاق باۋىرلارىمىز ءدان ريزا بولىپ قايتتى. «Aidar Classis» بوكس كلۋبىنىڭ اشىلعانىنا ءبىر-اق جىلدان اسسا دا، ءبىرشاما يگى شارالار وتكىزىپ ۇلگەردىك. اللا ىسىمىزگە بەرەكە بەرىپ، بۇيىرسا، بيىل دا كوپتەگەن ماقساتىمىزعا قول جەتكىزەمىز»، - دەپ جازدى ول.

اۆتور: كۇنسۇلتان وتارباي