ۋنيۆەرسيادا اياقتالا سالا سپورتشىلارىمىزدى قىسقى ازيا ويىندارى كۇتىپ تۇر

استانا. قازاقپارات - الماتى تورىندە وتەتىن بۇكىل الەمدىك ۋنيۆەرسيادا ويىندارى اياقتالا سالىسىمەن كوپ ۇزاماي جاپونيانىڭ ساپپورو قالاسىندا VIII قىسقى ازيا ويىندارىنىڭ الاۋى جاعىلادى، دەپ حابارلايدى قازاقپارات ءتىلشىسى.
None
None

ەستەرىڭىزگە سالا كەتەيىك، سوڭعى VII ازيا ويىندارى 2011-جىلى قازاق ەلىنىڭ الماتى جانە استانا قالالارىندا وتكەن بولاتىن. وندا جەرلەستەرىمىز 32 التىن، 21 كۇمىس، 17 قولا مەدالمەن تاريحي جەڭىستەرىنە قول جەتكىزگەن ەدى.

بۇل دودادا جاپوندار 13 التىن، 24 كۇمىس، 17 قولا مەدالمەن قازاق ەلىنەن كەيىنگى 2-ورىنعا تابان تىرەدى. ال بيىل كۇنشىعىس ەلىنىڭ وكىلدەرى ءوز ەلىندە وتەتىن ءدۇبىرلى سىندا ەش ايانىپ قالماسى انىق.

تاريح پاراقتارىنا كوز جۇگىرتسەك، جاپونيا قىسقى ازيا ويىندارىنىڭ وتانى سانالادى. بۇل جاپوندىقتاردىڭ قىسقى ازيانى ۇيىمداستىرعان ءتورتىنشى ويىنى بولماق. ەڭ العاش قىسقى ازيا ويىندارى 1986-جىلى وسى ەلدە وتكەن بولاتىن. ەكىنشى رەت 1990-جىلى دا وسى قالادا ۇيىمداستىرىلدى. ال ءۇشىنشى رەت 2003-جىلى اوموري قالاسىندا وتكىزدى. ءتورتىنشى رەت ساپپورو قالاسىندا وتكەلى وتىرعان VIII ازيا ويىندارىنا 45 ەلدىڭ سپورتشىلارى قاتىسادى دەپ كۇتىلۋدە. ولار سپورتتىڭ 11 ءتۇرى بويىنشا باق سىناماق. ازيا ويىندارى اقپاننىڭ 19  ى مەن 26 سى كۇندەرى وتەدى.

اۆتور: كۇنسۇلتان وتارباي

سوڭعى جاڭالىقتار