09:44, 07 - قاڭتار 2017 | GMT +5
حاكەرلەر ا ق ش- تاعى سايلاۋ بارىسىنا ىقپال ەتە المادى - ترامپ
استانا. قازاقپارات - ا ق ش- تىڭ سايلانعان پرەزيدەنتى دونالد ترامپ كيبەرشابۋىلداردىڭ ەلدەگى سايلاۋ ناۋقانىنا ىقپال ەتە الماعاندىعىن ءمالىم ەتتى. بۇل تۋرالى ر ي ا نوۆوستي حابارلادى.

«رەسەي، قىتاي سياقتى وزگە دە كوپتەگەن مەملەكەتتەر، توپتار مەن ازاماتتار دەموكراتتار كوميتەتىن قوسا العاندا ءبىزدىڭ مەملەكەتىمىزدىڭ مەكەمەلەرىمىز، كاسىپورىندار مەن ۇيىمدارىمىزدىڭ ينفراقۇرىلىمدارىنا ۇداي كىرۋگە ۇمتىلىپ جاتقانىمەن ولار سايلاۋ بارىسىندا ەشقانداي ىقپال ەتە المادى. ولار داۋىس بەرۋ قۇرىلعىلارىنا دا كەدەرگى كەلتىرە المادى»، - دەلىنگەن ترامپتىڭ مالىمدەمەسىندە.
بۇعان قوسا، ترامپ ا ق ش- تىڭ بارلاۋ قىزمەتىنىڭ وكىلدەرىمەن دە كەزدەسكەنىن ايتىپ، ولارعا زور العىسىن ءبىلدىردى.
وسىعان دەيىن سايلانعان پرەزيدەنت دونالد ترامپ كونگرەس وكىلدەرىنەن كيبەرشابۋىلدار تۋرالى اقپاراتتى NBC ارناسىنىڭ قايدان العاندىعىنا تەكسەرۋ جۇرگىزۋدى تاپسىردى.