قازاقستان سيرياعا گۋمانيتارلىق جۇكتى جەتكىزدى - فوتو

كەيبىر اراب اقپارات كوزدەرىنە قاراعاندا، سيرياداعى قانتوگىس سوعىس 400 مىڭنان استام بەيبىت تۇرعىننىڭ ءومىرىن قيدى. گۋمانيتارلىق جۇكتى جەتكىزۋگە ر ف قورعانىس مينيسترلىگى كومەكتەسكەن كورىنەدى.
تارتۋس پورتىنا كەشە جەتكەن كەمەدەن جۇكتى ءتۇسىرۋ جۇمىستارى بۇگىن باستالدى. قازاقستاننان جەتكىزىلگەن كونتەينەرلەردە ۇن، ەت ونىمدەرى، ماكارون جانە باسقا ازىق- تۇلىك تاۋارلارى تيەلگەن.
«حالىقارالىق قوعامداستىق تاراپىنان جاسالىپ وتىرعان قولداۋعا قاراماستان، گۋمانيتارلىق احۋال ءالى دە تۇزەلگەن جوق. وسىعان بايلانىستى ق ر پرەزيدەنتى ن. نازاربايەۆ سيرياعا ازىق- تۇلىك تاۋارلارى تۇرىندە گۋمانيتارلىق كومەكتى جونەلتۋ شەشىمىن قابىلدادى. 33 كونتەينەرگە تيەلگەن 500 توننا كولەمدەگى گۋمانيتارلىق جۇك 6 جىلدىق سوعىستىڭ زاردابىن تارتىپ جۇرگەن سيريالىق حالىققا ارنالعان. وندا ازىق- تۇلىكپەن قاتار، ءدارى- دارمەك تە بار. قازاقستان تاراپى سيريادا ديالوگ پەن بىتىمگە كەلۋ جولىمەن قانتوگىستى توقتاتىپ، ساياسي تۇراقتىلىقتى ايقىنداۋعا باعىتتالعان ءىس- قيمىلداردى قولدايدى»، - دەدى ەلشى ا. بەردىباي سيريالىق دەلەگاتسيامەن كەزدەسۋ بارىسىندا.
اۆتور: رۋسلان عابباسوۆ