الماس قىلىش فيلمى قىتايداعى قانداستارىمىزدى ەلەڭدەتتى

استانا. قازاقپارات - «الماس قىلىش» فيلمىنە قىتايداعى قانداستارىمىز ەرەكشە قىزىعۋشىلىق تانىتۋدا، دەپ حابارلايدى قازاقپارات.
None
None

سايتىمىزدىڭ توتەجازۋ جانە قىتاي ءتىلى نۇسقالارىندا جارىق كورگەن «الماس قىلىش» فيلمىنە قاتىستى اقپاراتتارعا قىتايداعى قانداستارىمىز جارىسا پىكىر قالدىرۋدا. كوپشىلىگى تۋىندىنى ءبىر كورۋگە اسىق ەكەندىگىن جەتكىزگەن. كەشەدەن بەرگى كينونىڭ پروكاتقا شىققاندىعى تۋرالى اقپارات قانداستارىمىزدىڭ تىپتەن دەگبىرىن قاشىردى. كەيبىرى كينونى كورۋ ءۇشىن قازاقستانعا ارنايى ۇشىپ كەلۋدى جوسپارلاپ وتىرعاندىعىن دا جازعان.

«بۇل كينونى قايدان كورۋگە بولادى؟ قىتايدا پروكاتقا شىعا ما؟ » ، «العا قازاق! وسىنداي تاريحىمىزدى سۋرەتتەيتىن، ۇلتتىق جىگەرىمىزدى جانىپ، نامىسىمىزدى وياتاتىن كينولار كوبەيە بەرسىن. تاريحىن بىلمەي اداسىپ جۇرگەندەرگە ۇلگى بولسىن!» ، «قازاق تىلىندە تۇسىرىلگەنىنە قاتتى ريزامىن! ورىس تىلىندە اۋدارماسى بار، ءبىراق نەگە اعىلشىن تىلىنە دۋبلياج جاسالماعان؟ باسقا شەت ەلدەرگە دە كورسەتۋ كەرەك دەپ ويلايمىن!» ، «قازاقتىڭ ۇلى تاريحىن ەكران الدىنا شىعارىپ، جۇرتقا ۇلتىمىزدىڭ ۇلىلىعىن تانىتا بەرۋ كەرەك» ، «كينونى الماتىعا بارىپ كورىپ كەلەيىن دەپ جوسپارلاپ وتىرمىن» ، «قىتايدا قويىلسا ەكەن. اسىعا كۇتەمىز!» ، «ۇرپاقتارىمىزعا وسىنداي كينولاردى كوپتەپ كورسەتىپ، سانالارىن ۇلتتىق رۋحپەن سۋسىنداتۋ كەرەك!» ، دەپ جازادى پىكىر قالدىرۋشىلار.

  اۆتور: ريزابەك نۇسىپبەك ۇلى 

سوڭعى جاڭالىقتار