قازاقستانداعى ەڭ قىمبات فۋتبول كلۋبتارىنىڭ اتى بەلگىلى بولدى

استانا. قازاقپارات - سوڭعى جىلدارى قازاقستان چەمپيوناتىندا ءبىر- بىرىمەن تايتالاسىپ، ساف التىنعا تالاسىپ جۇرگەن «استانا» مەن «قايرات» ەلىمىزدەگى ەڭ قىمبات كلۋبتار بولىپ تابىلادى.

بۇل رەتتە transfermarkt.de دەرەكتەرىنە سۇيەنىپ، ەكى كلۋبتىڭ جالپى نارىقتىق باعاسى ءبىر- بىرىمەن شامالاس دەۋگە بولادى.

ال ءۇشىنشى ورىنداعى «ورداباسى» كلۋبى ويىنشىلارىنىڭ جالپى نارىقتىق باعاسى جوعارىدا اتالعان ەكى كلۋبتىڭ جارتى باعاسىنا دا جەتپەيدى.

ءبىراق قازىر - قىسقى ترانسفەر كەزى. كلۋبتارىمىز ءوز قۇرامىن تولىق جاساقتاپ ۇلگەرگەن جوق، ياعني ءالى دە تولىقتىرا تۇسەدى. ەندەشە، بۇل كورسەتكىشتەر وزگەرەدى.

جالپى، ءدال قازىر transfermarkt.de سايتىندا قازاقستان پرەمەر- ليگاسىنداعى 12 كوماندا ساپىندا 282 ويىنشى تىركەلگەن. فۋتبولشىلاردىڭ ورتاشا جاسى - 27,2. سىرتتان كەلگەن لەگيونەرلەر سانى - 75. ال پرەمەر- ليگامىزدىڭ جالپى نارىقتىق باعاسى - 95 ميلليون 730 مىڭ ەۋرو.

 

دەرەككوز: استانا فۋتبول فەدەراتسياسى