شاڭعى اكروباتيكاسىنىڭ شىرايىن كەلتىرگەن قازاق قىزى
- دايىندىعىمىز قىزۋ ءجۇرىپ جاتىر، شىمكەنتتە جاتتىقتىق. قازىر الماتى ارقىلى امەريكاعا ۇشىپ كەتەمىز. وندا الەم كۋبوگىنىڭ كەزەڭدەرىنە قاتىسامىز. جارىس اياقتالعان سوڭ ا ق ش- تا ءبىر اپتاداي جيىندا بولامىز، كەيىن ۋنيۆەرسياداعا قاتىسۋ ءۇشىن قازاقستانعا ورالامىز، - دەدى جانبوتا الدابەرگەنوۆا.
- الداعى ۋنيۆەرسيادادان نە كۇتىپ وتىرسىز؟
- قاتتى تولقىپ ءجۇرمىن، ويتكەنى ءوز ەلىمدە ونەر كورسەتەتىندىكتەن، جاۋاپكەرشىلىك تە كوبىرەك. وعان قوسا، قازاقستاندا وسىنداي اۋقىمدى ويىندارعا، قالىڭ جۇرتشىلىق الدىندا تۇڭعىش رەت ويىن كورسەتپەكپىن. 2011-جىلعى قىسقى ازيا ويىندارىندا مەندە ونداي تاجىريبە بولعان جوق، ويتكەنى شاڭعى اكروباتيكاسىنا ازيادادان كەيىن كەلدىم.
- ماۋسىم باستالىپ كەتتى. دايىندىعىڭىزدى قالاي باعالايسىز؟
- ماۋسىم باستالعاندا بىزدە بەلگىلى ءبىر قيىندىقتار تۋىندادى، فينلياندياداعى وقۋ-جاتتىعۋ جيىندارىندا تولىققاندى دايىندىقتان وتە المادىق. فينليانديادا جۇرگەنىمىزدە، اۋا-رايى ءبىر جىلىپ، ءبىر سۋىپ، بۇرقاسىن كوتەرىلدى، سول سەبەپتەن كەيبىر جاتتىعۋلار وتكىزىلگەن جوق. سوندىقتان ءالى ءوزىمدى سەنىمدى سەزىنىپ جۇرگەن جوقپىن، الايدا امەريكاداعى الەم كۋبوگى كەزەڭدەرىندە مۇنى مىندەتتى تۇردە ەڭسەرەمىن.
- ۋنيۆەرسياداعى باستى قارسىلاستارىڭىز كىم؟
- قاتىسۋشىلاردىڭ ەسىمدەرىن ءالى بىلمەيمىن، دەگەنمەن، باستى قارسىلاسىمىز بۇرىنعىسىنشا قىتاي، رەسەي جانە بەلارۋس اتلەتتەرى عوي.
- ۋنيۆەرسيادا الدىندا جاڭا ەلەمەنتتەردى قوساسىز با؟
- مەن كەيبىر جاڭا ەلەمەنتتەردى جاتتىعىپ ءجۇرمىن، الايدا ۋنيۆەرسيادا كەزىندە ولاردى ورىندايمىن با، بىلمەيمىن. قۇلاپ قالعاننان گورى، كۇردەلى ەمەس سەكىرىستەردى تازا ورىنداپ شىققان دۇرىسىراق. سوندىقتان تەكسەرىلگەن، ابدەن جاتتىققان سەكىرىستەرگە ارتىقشىلىق بەرىلەدى، ءبىراق امەريكاداعى الەم كۋبوگىنان كەيىن عانا ونى ناقتى شەشەتىن بولامىز.
- قالاي ويلايسىز، قازاقستاندا قىسقى ۋنيۆەرسيادانىڭ ءوتۋى شاڭعى اكروباتيكاسى تانىمالدىلىعىنىڭ ارتۋىنا اسەر ەتە مە؟
- ۋنيۆەرسيادان كەيىن ءبىزدىڭ سپورت ءتۇرى تۋرالى كوبىرەك ادام بىلە باستايدى دەپ ۇمىتتەنەمىن. ويتكەنى «فريستايلمەن شۇعىلدانامىن» دەگەندە، ادامدار «بۇل، نە، ءبي مە؟» دەپ سۇرايدى. سوسىن تۇسىندىرۋگە تۋرا كەلەدى. فريستايل بويىنشا سەكسيالارعا كەلەتىن بالالار سانى ارتسا، مىسالى، قىتايلىقتاردا سەكىلدى جوعارى باسەكە بولسا دەيمىن.
شاڭعى اكروباتيكاسى فريستايل ىشىندەگى ەڭ قاۋىپتىسى سانالادى. سوندىقتان جانكۇيەرلەردىڭ بارلىعىن ءوز كوزىمەن كورۋگە شاقىرامىن.
«ايقىننىڭ انىقتاماسى:21 جاسار سپورتشى قىز جانبوتا الدابەرگەنوۆا الەم كۋبوگى كەزەڭدەرىنىڭ فريستايلدان جۇلدەگەرى، ەۋروپا كۋبوگىنىڭ يەگەرى، حالىقارالىق جارىستاردىڭ جەڭىمپازى. 2014-جىلى سوچيدە وتكەن قىسقى وليمپيادادا جانبوتا التىنشى ورىندى يەلەنگەن.
بەرىك بەيسەن ۇلى
«ايقىن»
