قىتاي قازاقستاندا وقيتىن ستۋدەنت جاستار سانىن ۇلعايتۋدى كوزدەپ وتىر
بۇگىندە ولاردىڭ سانى 1300 دى قۇراپ وتىر. بۇل تۋرالى «قازاقپارات» ح ا ا- نىڭ تىلشىسىنە قىتايدىڭ حالىقارالىق ساۋداسىنا ىقپال ەتۋ كوميتەتى ءتوراعاسىنىڭ ورىنباسارى، قىتاي پاۆيلونىنىڭ ۇلتتىق كوميسسارى جانە قىتايدىڭ ەكسپو-2017 كورمەسىنە قاتىساتىن ۇكىمەتىنىڭ وكىلى ۋاڭ جينجەن ايتتى، دەپ حابارلايدى قازاقپارات.
«ەكسپو كورمەسىنە قاتىسۋ ارقىلى ءبىز قازاقستاندا ءبىلىم الاتىن وقۋشىلاردى ىنتالاندىرا تۇسەتىن بولامىز. قازىرگى تاڭدا قىتايدا 13 مىڭنان استام قازاقستاندىق ستۋدەنت ءبىلىم الۋدا. ال قازاقستاندى قىتايلىق نەبارى 1300 بالا وقىپ جاتىر. مەنىڭشە بۇل جەردە قازاقستاندا ءبىلىم الاتىن ق ح ر ستۋدەنتتەرىن ارتتىرۋدىڭ ۇلكەن الەۋەتى جاتىر»، - دەدى ول قىتايدىڭ ەكسپو-2017 پاۆيلونىن تانىستىرۋ راسىمىنەن سوڭ بەرگەن سۇحباتىندا.
ايتا كەتەيىك، ۋاڭ جينجەننىڭ سوزىنشە، قىتاي تاراپى قازاقستاندا وتەتىن ەكسپو-2017 كورمەسىنە ءوز ەلدەرىنەن 250 مىڭ تۋريست قاتىسادى دەپ بولجام جاساپ وتىر.
