كۇزەتشى ۇلى بريتانيا پاتشايىمىن اتىپ تاستاي جازدادى

استانا. قازاقپارات - تۇندە ۇيقىسى قاشىپ، بۋكينگەم سارايى ماڭىندا سەرۋەندەپ جۇرگەن پاتشايىم  ІІ ەليزاۆەتانى ءوز كۇزەتشىسى اتىپ تاستاۋعا شاق قالدى، دەپ جازدى Independent گازەتى.

بۇل وقيعا جايلى بۇرىنعى قاراۋىلى ايتتى. ءبىر كۇنى ءتۇن اۋا ول ىشكى ساراي ماڭىن كۇزەتىپ ءجۇرىپ، قاراڭعىدا ءبىر كولەڭكەنى بايقاپ قالادى. ول: «كىم بۇل؟» دەپ ايعايلايدى. قاراڭعىدا كەلە جاتقان پاتشايىم ІІ ەليزاۆەتا بولىپ شىقتى، دەگەن باسىلىمنىڭ ءسوزىن كەلتىردى ر ي ا نوۆوستي.

«قۇرىپ كەتكىر، جوعارى مارتەبەلىم، ءسىزدى اتىپ تاستاي جازدادىم» - دەگەن كۇزەتشىنىڭ ءسوزىن كەلتىرەدى باسىلىم. «ەشتەڭە ەتپەيدى. كەلەسى جولى الدىن الا حاباردار ەتەمىن، سول كەزدە ماعان وق كەزەمەيتىن بولاسىڭ»، - دەپ جاۋاپ بەردى پاتشايىم.

وقيعانىڭ قاي ۋاقىتتا بولعانى ايتىلمايدى. گازەتتىڭ دەرەكتەرىنە سايكەس، پاتشايىم ۇستىنە پالتو كيىپ، ازداپ سەرۋەندەپ قايتۋعا شىققان.