جاڭا جىلدى قارسى الۋ ءۇشىن استانادان مىڭداعان جولاۋشى شەتەلگە اتتاندى

استانا. قازاقپارات - جاڭا جىلدى قارسى الۋ ءۇشىن استانادان مىڭداعان جولاۋشى شەتەلگە اتتاندى، دەپ حابارلايدى قازاقپارات.

«جاڭا جىل مەرەكەسى كەزەڭىندە (2016 -جىلدىڭ 30 -جەلتوقسانى مەن 2017 -جىلدىڭ 3 -قاڭتارى) استانا اۋەجايى 45 مىڭ جولاۋشىعا قىزمەت كورسەتتى. جولاۋشىلاردىڭ ەڭ كوپ سانىنا - 30 جەلتوقسان كۇنى شامامەن 13 مىڭ ادامعا جانە 3 -قاڭتار كۇنى شامامەن 12 مىڭ ادامعا قىزمەت كورسەتىلدى. 30 -جەلتوقساندا استانادان 7500 جولاۋشى ۇشىپ كەتتى، ونىڭ 70 پايىزى ىشكى باعىتتار، 30 پايىزى حالىقارالىق باعىتتار بويىنشا اتتاندى. 31 -جەلتوقساندا 4600 جولاۋشىنىڭ 3500 ى ىشكى باعىت، 1100 ى حالىقارالىق باعىت بويىنشا ۇشتى. ال 1 -قاڭتاردا ەلوردادان 2345 ادام جولعا شىقسا، سونىڭ تەك 530 عا حالىقارالىق باعىتتا ۇشىپ كەتتى»، - دەپ حابارلادى قازاقپارات تىلشىسىنە ەلوردا اۋەجايىنىڭ باسپا ءسوز قىزمەتىنەن.

ايتا كەتەرلىگى، وتكەن جىلى 2015 -جىلدىڭ 31 -جەلتوقسانىندا وتكەن جىلدىڭ جەلتوقسانىنا قاراعاندا استانا اۋەجايىنان 2 ەسە كوپ جولاۋشى، ناقتى ايتقاندا، شامامەن 9500 ادام ۇشقان بولاتىن. ونىڭ ىشىندە جولاۋشىلاردىڭ شامامەن 65 پايىزى ەلوردادان باسقا جاققا ۇشىپ كەتسە، 35 پايىزى استاناعا جاڭا جىلدى قارسى الۋ ءۇشىن كەلگەن ەدى.

 ايتا كەتەرلىگى، وتكەن جىلدىڭ 29 جەلتوقساننان بيىلعى جىلدىڭ 3 -قاڭتار ارالىعىندا جارتى ميلليوننان استام جولاۋشى تاسىمالداندى. ونىڭ 92 مىڭى استاناعا تيەسىلى. ال 30 مىڭنان استام جولاۋشى جاڭا 2017 -جىلدى پويىزدا قارسى الدى.

اۆتور: مارلان جيەمباي