ىستانبۇلداعى تەراكتىگە بايلانىستى قازاقستاندىقتاردىڭ ۇستالۋى تۋرالى اقپارات تەكسەرىلۋدە

استانا. قازاقپارات - قازاقستان رەسپۋبليكاسىنىڭ سىرتقى ىستەر مينيسترلىگى تۇركيالىق ب ا ق- تار تاراتقان اقپاراتتى تەكسەرىپ جاتىر، دەپ حابارلايدى قازاقپارات.

تۇركيانىڭ بۇقارالىق اقپارات قۇرالدارى ىستانبۇلداعى تۇنگى كلۋبتا ورىن العان تەراكتىگە بايلانىستى ۇستالعانداردىڭ اراسىندا قازاقستاندىقتار بار دەگەن اقپارات تاراتقان بولاتىن.

«قازىر بۇل اقپاراتتى تەكسەرۋ ۇستىندەمىز. كەيىنىرەك قوسىمشا حابارلايمىز»، - دەدى سىرتقى ىستەر مينيسترلىگىنىڭ باسپا ءسوز قىزمەتىنەن.

Dogan اگەنتتىگىنىڭ مالىمەتىنشە، تۇركيانىڭ قۇقىق قورعاۋ ورگاندارى ىستانبۇلداعى تۇنگى كلۋبتا بولعان لاڭكەستىككە قاتىسى بار دەگەن كۇدىكپەن 40 ادامدى ۇستادى.

سونداي-اق ۇستالعانداردىڭ اراسىندا 20 بالا بار: 9 ۇل جانە 11 قىز. ولاردىڭ دەنى داعىستان ازاماتتارى دەپ حابارلانۋدا. تۇتقىندالعانداردىڭ اراسىندا قىرعىزستان مەن قازاقستاننىڭ (الدىن الا بولجام بويىنشا، تۇركىستاننان) دا ازاماتتارى بار.

ەستەرىڭىزگە سالا كەتەيىك، جاڭا جىل ءتۇنى قارساڭىندا Reina تۇنگى كلۋبىنا تەرروريستەر شابۋىل جاساپ، 39 ادام قازا تاپتى، 69 ى اۋىر جاراقاتتار الدى. جالپى، سول كۇنى تۇنگى كلۋبتا 700 ادام بولعان. رەيتەر اگەنتتىگىنىڭ حابارلاۋىنشا، تەراكتىنى «يسلام مەملەكەتى» ەكسترەميستىك ۇيىمى (قازاقستاندا تىيىم سالىنعان) ءوز موينىنا الدى.

اۆتور: كەنجەكەي توقتامۇرات قىزى