قازاقستاندىق بايلار ميلليونداعان قارجىلارىن قايدا ساقتاپ وتىر؟
قارجى مينيسترلىگى 23-جەلتوقساندا جيىنتىق دەرەكتەردى جارىققا شىعاردى. مينيسترلىكتىڭ ستاتيستيكالىق دەرەكتەرىنە سايكەس 11 مىڭ 820 ادام ءوز قاراجاتىن زاڭداستىرۋعا نيەت ءبىلدىرىپ، جالپى سوماسى 4 تريلليون 93 ميلليون تەڭگەنى زاڭداستىرعان. وسىلايشا ولاردىڭ ءارقايسى ارنايى شوتقا 346 ميلليون تەڭگەدەن جوعارى سوما سالعان. تىزىمدە الماتى مەن استانا قالاسى، قىزىلوردا، اتىراۋ جانە اقمولا وبلىسى كوش باستاپ تۇر.
الماتى اكسيا باستالعالى بەرى كوش تىزگىنىن بەرمەي كەلەدى. مۇنداعى ارنايى اشىلعان دەپوزيتتەر مەن سالىنعان سومالار كولەمى قارقىندى تۇردە ءوسىپ وتىرعان. سوڭعى دەرەكتەرگە سۇيەنسەك، الماتىنىڭ ەكىنشى دەڭگەيلى بانكتەرىندە اشىلعان 6242 شوتتا 3 تريلليون 158 ميلليارد 88 ميلليون تەڭگە قاراجات جاتىر.
ەكىنشى ورىندى ەلوردا ەنشىلەگەن. باس قالانىڭ ەكىنشى دەڭگەيلى بانكتەرىندە اشىلعان 1224 شوتتا 426 ميلليارد 351 مىڭ تەڭگە جاتىر. تىزىمدەگى ءار ادام 348 ميلليون تەڭگەدەن سالعان بولىپ شىعادى.
ءۇشىنشى ورىندا قىزىلوردا وبلىسى تۇر. مۇندا اشىلعان 222 شوتتا 7 ميلليارد 589 ميلليون تەڭگە جاتىر. بۇل ايماقتاعى ورتاشا چەك سوماسى 341 ميلليون تەڭگەگە تەڭ.
ءتورتىنشى ورىنعا مۇنايلى استانا اتىراۋ وبلىسى تۇراقتاعان. مۇندا اشىلعان 117 شوتتا 31 ميلليارد 489 ميلليون تەڭگە جاتىر. وسىلايشا اكتسياعا قاتىسقانداردىڭ ءارقايسى ورتا ەسەپپەن 269 ميلليون تەڭگەدەن سالعان.
كوش باسىنداعىلاردىڭ بەستىگىن اقمولا وبلىسى اياقتاپ تۇر. بۇل ايماقتا اكسيا باستالعالى بەرى اشىلعان 155 شوتتا 31 ميلليارد 347 ميلليون تەڭگە جاتىر. بۇل دەگەنىڭىز 155 ادامنىڭ ءارقايسى دەپوزيتكە 202 ميلليون تەڭگەدەن سالدى دەگەن ءسوز.
كورسەتىلگەن دەرەكتەرگە كوز جۇگىرتە وتىرىپ، قازاقستاندىق باي- باعلانداردىڭ باسىم بولىگى اتالعان ايماقتاردا تۇراتىنىن بولجاۋعا بولادى.
قارجىنى زاڭداستىرۋ اكسياسى اياقتالدى. قارجى مينيسترلىگى اكسيانىڭ نەگىزگى قورىتىندىسىن وسى قاڭتاردا شىعارماق.
ۇكىمەت 2014 -جىلدىڭ 1-قىركۇيەگىندە بۇل ناۋقاندى باستاعاندا كولەگەيلى اينالىمداعى 2,2 تريلليون تەڭگەنى سۋ بەتىنە شىعارۋدى جوسپارلاعان. 2016 -جىلدىڭ 23-جەلتوقسانىندا شىعارىلعان ستاتيستيكا 4 تريلليون 93 ميلليون تەڭگەنى قۇراپ وتىر. مينيسترلەر كابينەتى كوزدەگەن مەجەدەن ەكى ەسە ارتىق.
دەرەككوز: http://abctv.kz
