18:54, 04 - قاڭتار 2017 | GMT +5
قارسىلاسىن اۋىر نوكاۋتقا تۇسىرگەن قازاق بوكسشىسى شەتەلدىكتەردى تاڭىرقاتتى - كەسكىن
استانا. قازاقپارات - قازاقستاندىق كاسىپقوي بوكسشىلار كانادالىق «12 راۋند» جۋرنالىنىڭ نوميناتسيالارىندا جەڭىمپاز اتاندى دەپ حابارلايدى prosportkz.kz.
«جىل نوكاۋتى» سىيلىعىن ابىلايحان قۇسايىنوۆ جەڭىپ الدى. 25 جاستاعى قۇسايىنوۆ كانادالىق رودسي ۆينسەنتپەن كەزدەسۋ وتكىزىپ، ءۇشىنشى راۋندتا قارسىلاسىن اۋىر نوكاۋتقا تۇسىرگەن بولاتىن. بۇل قازاقستاندىقتىڭ كاسىپقوي رينگتەگى ەكىنشى جەڭىسى ەدى.
سونىمەن قاتار، تاعى ءبىر قازاقستاندىق باتىر جۇكەمبايەۆ «جىل جاڭالىعى» سىيلىعىن الدى.
«ول سوڭعى 7 كەزدەسۋدىڭ التاۋىن نوكاۋتپەن اياقتاعان. تالانتتى قازاقستاندىقتىڭ 2017-جىلى وتكىزەتىن جەكپە-جەكتەرىن اسىعا كۇتەمىز»، - دەپ جازادى اتالمىش باسىلىم.
