قازاقستاندىقتار وتاندىق كولىكتەردى جەڭىلدەتىلگەن نەسيەمەن الۋدى جالعاستىرادى
بۇل جايىندا قازاقپارات قازاقستاندىق اۆتوبيزنەس قاۋىمداستىعىنا سىلتەمە جاساپ حابارلايدى. قاۋىمداستىق مالىمەتىنە قاراعاندا، 2015 -جىلدىڭ مامىرى مەن 2016 - جىلدىڭ قاراشاسى ارالىعىندا اتالعان باعدارلاما بويىنشا 87586 جەڭىل كولىك، سونداي- اق 20665 وتاندىق جەڭىل كولىك ساتىلعان. قازاقستاندا شىعارىلعان جەڭىل اۆتوموبيل ساتىلىمىنداعى جەڭىلدەتىلگەن نەسيە ۇلەسى 39,6 پايىزدى قۇرايدى.
«2017 -جىلدىڭ ترەندى: جەڭىلدەتىلگەن نەسيە باعدارلاماسى 2017 -جىلى دا حالىقتىڭ اراسىندا تانىمالدىققا يە بولادى. تانىمالدىقتىڭ ارتۋىنا كادەگە جاراتىلعان كولىكتەردى سەرتيفيكاتتاۋ باعدارلاماسىنىڭ باستالۋى مەن ليميتتىڭ 15 ميلليون تەڭگەگە دەيىن كوتەرىلۋى ىقپال ەتەدى»، - دەدى قاۋىمداستىقتان.
ايتا كەتەيىك، قازاقستاندا ۇلتتىق قور قاراجاتى ەسەبىنەن جەڭىلدەتىلگەن اۆتونەسيەلەر بەرۋ جۇزەگە اسىرىلۋدا. شارتقا سايكەس، اتاۋلى سىياقى مولشەرلەمەسى - جىلىنا 4 پروتسەنت، سونىمەن قاتار جىلدىق ءتيىمدى مولشەرلەمە 7,5 پروتسەنتتەن اسپاۋى ءتيىس. نەسيە مەرزىمى 5 جىلعا دەيىن، ال جەڭىل كولىكتىڭ باعاسى - 9 ميلليون تەڭگەدەن اسپاۋى ءتيىس. باستاپقى جارنا كولىك قۇنىنىڭ بەستەن ءبىر بولىگىن قۇراۋى قاجەت.
تۇتىنۋشىلارعا قازاقستاندا قۇراستىرىلاتىن
Kia, Toyota, Chevrolet, Skoda, Hyundai سياقتى برەندتەردىڭ 37 كولىك مودەلى ۇسىنىلادى.
ايتا كەتەيىك، اتالمىش شارا جەرگىلىكتى اۆتوكولىك ءوندىرىسىن دامىتۋعا قۋاتتى سەرپىن بەردى.
اۆتور: مارلان جيەمباي
