قىتاي كەدەنى ارقىلى تاۋارلار جىلدام وتكىزىلەتىن بولادى

استانا. قازاقپارات - قىتايدا كەدەن ارقىلى وتەتىن تاۋارلاردىڭ وتكىزۋ ۋاقىتىن قىسقارتۋ جوسپارلانۋدا، دەپ حابارلايدى ر ي ا نوۆوستي شينحۋا اگەنتتىگىنە سىلتەمە جاساپ.

 ق ح ر كەدەندىك باسقارماسىنىڭ مالىمەتتەرىنە سۇيەنسەك، قىتايلىق كەدەن تاۋارلاردىڭ كەدەننەن ءوتۋىن كۇتۋ ۋاقىتىن 30 پايىز ازايتۋ ارقىلى قىزمەت كورسەتۋ دەڭگەيىن كوتەرۋگە نيەتتى.

 قىتاي كەدەنىنىڭ باسشىسى يۋي گۋاڭجوۋدىڭ مالىمدەۋىنشە، ق ح ر كەدەندىك باسقارماسى ءتيىستى قۇرىلىمدارمەن بىرلەسىپ، كەدەندىك تازارتۋ ۋاقىتىن قىسقارتۋعا باعىتتالعان ءىس- شارالار كەشەنىن ازىرلەدى. 2017 - جىلعا جوسپارلانعان ناقتى شارالار اراسىنان ول كەدەندەگى اۆتوماتتاندىرۋدى ارتتىرۋ جانە ادامي رەسۋرستى وڭتايلاندىرۋ جوسپارىن اتاپ ءوتتى. 2015 -جىلدىڭ شىلدە ايىنان بۇگىنگە دەيىن كەدەننەن تاۋار وتكىزۋ ۋاقىتى ەكسپورتتا 2,7 ساعاتتان 1,84 ساعاتقا، ال يمپورتتا 29,3 ساعاتتان 25,4 ساعاتقا دەيىن قىسقارعان.