ترامپ كەلەسى اپتادا العاشقى باسپا ءسوز ءماسليحاتىن وتكىزەدى
ول نيۋ- يوركتە وتەتىن بولادى.
بۇل تۋرالى رەسپۋبليكاشىل Twitter ميكروبلوگتار سەرۆيسىندەگى ءوزىنىڭ پاراقشاسىندا جازدى. «جالپى باسپا ءسوز ءماسليحاتىن ني- يوركتە 11- قاڭتار كۇنى وتكىزەمىن. بارلىقتارىڭىزعا راحمەت»، - دەپ جازدى ترامپ.
ادەتتە ا ق ش- تا جاڭادان سايلانعان پرەزيدەنت جۋرناليستەرمەن كەزدەسۋدى سايلاۋدان كەيىن كوپ ۇزاماي وتكىزەدى. CNN- نىڭ اتاپ وتۋىنشە، مۇنداي ءداستۇر ب ا ق- تارعا قۇرمەت ءبىلدىرۋ بولىپ تابىلادى.
ايتا كەتەيىك، ترامپ سايلاۋالدى ناۋقان بارىسىندا بۇقارالىق اقپارات قۇرالدارىن ادىلەتسىزدىك جانە ونىڭ قارسىلاسى - ەكس- مەم حاتشى حيلاري كلينتونعا باسىمدىق بەرۋگە تالپىنىستارى ءۇشىن بىرنەشە مارتە سىناعان ەدى. ترامپ مۇنىڭ الدىندا ب ا ق- پەن ۇلكەن كەزدەسۋدى 2016 -جىلدىڭ ورتاسىندا ۇيىمداستىرىپ، مەملەكەت باسشىسى مىندەتىن اتقارۋدا مۇددەلەر قايشىلىعىن بولدىرماس ءۇشىن ءوز بيزنەسىنە بۇدان ءارى قالاي يەلىك ەتەتىنى تۋرالى ايتىپ بەرۋگە ۋادە ەتكەن بولاتىن. 12- جەلتوقسان كۇنى باسپا ءسوز ءماسليحاتى 2017 -جىلدىڭ باسىنا اۋىستىرىلدى.
