15:38, 03 - قاڭتار 2017 | GMT +5
قازاقستاندىق بوكسشى قىز روۋزيدىڭ جاتتىعۋداعى سەرىكتەسى بولۋى مۇمكىن
استانا. قازاقپارات - قازاقستاندىق كاسىپقوي بوكسشى فيرۋزا شاريپوۆا امەريكالىق م م ا سپورتشىسى روندا روۋزيدىڭ سپاررينگ-سەرىكتەسى اتانۋى مۇمكىن دەپ جازادى prosports.kz.
بۇل تۋرالى Allfight.ru باسىلىمىنا تانىمال پروموۋتەر ەل حەيموننىڭ ءبىرىنشى اگەنتى الەكس ۆايسفەلد حابارلادى.
«مەن دە، ەل حەيمون دا فيرۋزانى امەريكادا كورگىمىز كەلەدى. ول وسى جەردە باددي ماكگيرتپەن جۇمىس ىستەي الاتىن ەدى. وزدەرىڭىز بىلەتىندەي، باددي ارتۋرو گاتتي مەن مايك تايسوندى باپتاعان مامان. سونىمەن قاتار، فيرۋزا روندا روۋزيدىڭ سپاررينگ-سەرىكتەسى بولا الاتىن ەدى. سەبەبى، ول بوكس تەحنيكاسى جاعىنان السىزدەۋ. فيرۋزا وعان سەپتىگىن تيگىزە الادى»، - دەدى الەكس ۆايسفەلد.
ەستەرىڭىزگە سالا كەتەيىن، روندا روۋزي برازيليالىق اماندا نۋنەستەن ۇتىلىپ قالعان بولاتىن.
