فرانسۋزدار ەندى جۇمىستان سوڭ سمارتفوندارىن ءسوندىرىپ تاستاۋعا قۇقىلى

استانا. قازاقپارات - جاڭا زاڭ تالاپتارى 2017-جىلدىڭ 1- قاڭتارىنان باستاپ، جۇمىسشىلاردىڭ باسشىلارىنىڭ جۇمىستان تىس ۋاقىتتا جىبەرەتىن حابارلامالارىن نازاردان تىس قالدىرۋلارىنا قۇقىق بەرەدى، دەپ حابارلايدى The Guardian.

وسىلايشا جۇمىسشىلاردىڭ جەكە ومىرىنە بەرىلەتىن ۋاقىت پەن دەمالىستارىنىڭ تولىق قامتاماسىز ەتىلۋى زاڭمەن رەتتەلمەك.

بۇل باستاماعا فرانسيانىڭ ەڭبەك ءمينيسترى باستاماشى بولدى. ال، فرانسيانىڭ كاسىپوداق ۇيىمدارىنىڭ وكىلدەرى ونسىز دا سيفرلىق قۇرىلعىلاردى قولدانۋدىڭ سوڭعى اقىسى تولەنبەيتىن ۋاقىت كولەمىن ۇلعايتىپ، شارشاۋ، ۇيقىسىزدىق سياقتى ارەكەتتەرگە الىپ كەلەدى دەپ الاڭداپ جۇرگەن.

باسىلىمنىڭ جازۋىنشا، جۇمىس بەرۋشىلەر مۇنداي تالاپتاردى مۇمكىندىگىنشە ورىنداماۋعا تىرىسارى انىق. دەگەنمەن، اتالمىش تالاپتار ورىندالماعان جاعدايدا جۇمىس بەرۋشىلەر ءۇشىن قانداي دا ءبىر جازا قاراستىرىلماعان.