شاردجادان اتتانعان رەيس قازاقستاندىقتاردى الىپ الماتىعا ۇشتى
«قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنىڭ تۋريزم يندۋسترياسى جانە جەدەل شتابى دەپارتامەنتى ءوز جۇمىسىن تاۋلىك بويى ۇزدىكسىز جالعاستىرۋدا. Air Arabia اۋە كومپانياسىنىڭ شاردجا - الماتى رەيسىمەن قازاقستاندىق جولاۋشىلار شاردجا قالاسىنىڭ اۋەجايىنان بۇگىن جەرگىلىكتى ۋاقىتپەن ساعات 10:30-دا ۇشتى.
Air Arabia اقپاراتىنا سۇيەنسەك، استاناعا رەيس بۇگىن بولمايدى. استاناعا قايتاتىن قازاقستاندىق تۋريستەر اتالمىش رەيسپەن ۇشتى. اۋە كومپانياسىنىڭ ەرتەڭگى رەيستەرى كەستە بويىنشا جۇرگىزىلەدى»، - دەپ جازدى ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتىنىڭ ديرەكتورى مارات يعالي فەيسبۋكتاعى پاراقشاسىنا.
«Flydubai» اۋە كومپانياسىنىڭ مالىمەتى بويىنشا، دۋبايداعى جانە قازاقستان رەسپۋبليكاسىنىڭ باسقا قالالارىنىڭ جولاۋشىلارى قوناق ۇيلەرگە ورنالاستىرىلدى. اۋە كومپانياسىنىڭ 2017 -جىلدىڭ 1 -قاڭتارىنداعى رەيسى كەستە بويىنشا ۇشتى. 2016 -جىلدىڭ 31 -جەلتوقسانىندا ۇشا الماي قالعان كەيبىر جولاۋشىلاردى وسى ۇشاققا وتىرعىزدى. اۋە كومپانياسىنىڭ وكىلدەرى قازاقستاندىق تۋروپەراتورلارمەن تاۋلىك بويى ۇزدىكسىز بايلانىسقا شىعىپ وتىر. 2016 -جىلدىڭ 31 جەلتوقسانىندا ۇشا الماي قالعان تۋريستەردى اۋە كومپانياسى جاقىن رەيستەرگە وتىرعىزادى نەمەسە قاراجاتتارىن تولىقتاي قايتارادى.
بۇرىن اۋا رايى قولايسىزدىعىنا بايلانىستى شاردجا قالاسىنىڭ اۋەجايىنداعى بارلىق رەيستەرگە شەكتەۋ قويىلدى. بىرنەشە كۇن بويى قويۋ تۇمان ورناپ، ۇشاقتار باسقا ەلدەرگە ۇشا المادى جانە قونا المادى. وسىعان بايلانىستى كوپتەگەن قازاقستاندىق تۋريستەر شاردجا اۋەجايىندا بوگەلىپ قالدى.
