دانيادا وڭتۇستىك كورەيا پرەزيدەنتى قۇربىسىنىڭ قىزى ۇستالدى
وڭتۇستىك كورەيانىڭ شاباندوزى گەرمانيادا جاتتىقتىرۋشى بولىپ جۇمىس جاسايتىن چۋن يۋ رانى اناسىمەن سىبايلاسىپ قىلمىس جاسادى دەگەن كۇدىكپەن قاماۋعا الماقشى. وڭتۇستىك كورەيالىق بيلىكتىڭ مالىمەتى بويىنشا، ايەلدى دانيانىڭ ولبورگ قالاسىندا زاڭسىز جۇرگەنى ءۇشىن ۇستاعان. سەۋل پروكۋراتۋراسى وكىلدەرىنىڭ ايتۋىنشا، وڭتۇستىك كورەيانىڭ بيلىگى ەۋروپالىق بيلىكپەن ىنتىماقتاستىق ورناتىپ، چۋن يۋ رانى ءبىر نەمەسە ەكى اپتانىڭ ىشىندە ەلىنە ەكستراديتسيالاماقشى. چۋن يۋ رانىڭ اناسى پرەزيدەنتپەن دوستىعىن پايدالانا وتىرىپ وڭتۇستىك كورەيالىق كومپانيالارعا قايىرىمدىلىق ۇيىمدارىنا قىرۋار قارجىنى اۋدارۋعا ماجبۇرلەگەن. سونداي- اق، وعان ۇكىمەتتىڭ جۇمىسىنا تەرىس ىقپال ەتتى دەپ ايىپ تاعىلۋدا.
چحۆە سۋن سيل ءىسى ءىرى ساياسي داعدارىسقا، وڭتۇستىك كورەيانىڭ تاريحىندا العاش رەت 64 جاستاعى پرەزيدەنت پاك كىن حەنى بيلىكتەن كەتۋىن تالاپ ەتكەن بۇقارالىق نارازىلىقتارعا اكەلىپ سوقتىرعان. 9 -جەلتوقسان كۇنى ەلدىڭ پارلامەنتى ونى ورنىنان كەتۋگە داۋىس بەردى، ال بۇل شەشىمدى كونستيتۋتسيالىق سوت قاراپ جاتىر.
