الماتىدا وتەتىن ۋنيۆەرسيادادا التىن الساق دەيمىز - ابزال اجىعاليەۆ
بۇل تۋرالى شورت- ترەكتەن قازاقستان ۇلتتىق قۇراماسىنىڭ مۇشەسى ابزال اجىعاليەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى. «ءبىز ۇزاق ۋاقىتتان كەيىن تۋعان جەرىمىزگە ورالىپ، اعايىن- تۋمالارىمىزبەن كورىسىپ، مارە- سارە بولىپ جاتىرمىز. اسىرەسە، ءساۋىر ايىنان بەرى مەنى كورمەگەن اناشىمنىڭ قۋانىشى بولەك. ءتىپتى ساعىنعانى سونداي، كوز جاسىن جاسىرا المادى. كەشە ءبىزدى ورال اۋەجايىنان اق جايىق جۇرتشىلىعى ۇلكەن قۇرمەتپەن قارسى الدى. ءبىز، ايدار بەكجانوۆ، نۇربەرگەن جۇماعازيەۆ جانە انيتا ناگاي، الداعى جارىستاردا ەل سەنىمىن اقتاۋعا تىرىسامىز»، دەدى ا. اجىعاليەۆ.
1992 -جىلى ورال قالاسىندا دۇنيەگە كەلگەن ابزالدىڭ ءسابي شاعى اكەسى اباي اجىعاليەۆتىڭ تۋعان جەرى سىرىم اۋدانى جوسالى اۋىلىندا ءوتتى. اكەسىنەن ەرتە قالعانىمەن، اناسى، قازىرگى كەزدە №16 -مەكتەپتە قىزمەت اتقاراتىن شولپان قايلونوۆا بار قامقورلىعىن ۇلىنان اياماي، الپەشتەپ ءوسىردى.
«بالام 4 -قاڭتاردا قايتادان كەتەدى. جاڭا جىلدا شورتترەكشىلەردىڭ بارىنە تابىس تىلەيمىن. ەڭ باستىسى، جاراقات الماي، دەندەرى ساۋ، باستارى امان بولىپ، ەل نامىسىن ابىرويمەن قورعاي بىلسە دەيمىن»، دەدى «قازاقپارات» تىلشىسىنە شولپان تۇراربەك قىزى. ابزال بيىل ا ق ش- تىڭ سولت- لەيك- سيتي قالاسىندا وتكەن الەم كۋبوگى كەزەڭىندە ايدى اسپانعا شىعارىپ، 500 مەتر قاشىقتىقتا قازاقستاندىق شورتترەكشىلەر اراسىندا العاش رەت جەڭىمپاز اتاندى.
ونىڭ جەڭىستى جولىن كەيىن وڭتۇستىك كورەيانىڭ كاننىن قالاسىندا وتكەن الەم كۋبوگى كەزەڭىندە نۇربەرگەن جۇماعازيەۆ جالعاستىرىپ، 1 مىڭ مەتر قاشىقتىقتا التىننان القا تاقتى. نۇربەرگەن بۇل جەڭىسىن ق ر تاۋەلسىزدىگىنىڭ 25 جىلدىعىنا ارنايتىنىن، الداعى دۇنيەجۇزىلىك دودالاردا ول دا بارىن سالاتىنىن جەتكىزدى.
اۆتور: ەلجان ەرالى
