ەۋرووداق سيريا بويىنشا استاناداعى كەلىسسوزدەردى قولدايدى
«ەۋروپالىق وداق سيريانى جاڭا بىتىمگەرلىككە شاقىرعانداردىڭ ءبىرى بولدى. وسى ورايدا جاڭا جىلدىڭ الدىندا اتىستى توقتاتۋ جونىندەگى كەلىسىمگە قول جەتكىزۋدى تەك قانا قولداۋ قاجەت»، - دەپ جازدى موگەريني.
ونىڭ سوزىنە قاراعاندا، بىتىمگە كەلۋدى تاراپتاردىڭ ءبارى تولىقتاي ساقتاۋى وتە ماڭىزدى. ەۋروپالىق ديپلوماتيا باسشىسى تىنىشتىقتى تولىقتاي ساقتاۋ گۋمانيتارلىق كومەكتى قاجەت ەتەتىندەرگە جول اشاتىندىعىن اتاپ ءوتتى. «ەگەر وق اتۋدى توقتاتۋ جونىندەگى كەلىسىم تابىستى ورىندالاتىن بولسا، وندا ب ۇ ۇ قاۋىپسىزدىك كەڭەسى بەكىتكەن ب ۇ ۇ اياسىندا سيرياىشىلىك كەلىسسوزدى جالعاستىرۋعا جول اشىلار ەدى»، - دەپ ەسەپتەيدى فەدەريكا موگەريني.
«ءبىز وزگە حالىقارالىق ويىنشىلاردىڭ كەز كەلگەن قادامدارىن قولدايمىز. مىسالى، استانادا وتكىزىلۋى جاريالانعان كەزدەسۋ. ەگەر ول جان-جاقتى جانە ب ۇ ۇ اياسىندا جەنەۆادا سيرياىشىلىك كەلىسسوزدى تولىققاندى قايتا جالعاستىرۋعا باعىتتالاتىن بولسا»، - دەلىنگەن مالىمدەمەدە.
