قىتايدا دونالد ترامپتان اينىمايتىن تاۋىق ءمۇسىنى پايدا بولدى - فوتو
ءمۇسىندى جەرگىلىكتى ساۋدا ورتالىعىنا قاراستى ءبىر كومپانيانىڭ تاپسىرىسىمەن سالعان. N1 ArtWalk Mall ۇيىمداستىرۋ ورتالىعىنىڭ باسشىسى شاو مينليان تىلشىلەرگە «2017 -جىل تاۋىق جىلى بولعاندىقتان، بۇل ءمۇسىن كەلەر جىلدىڭ ارنايى بەلگىسىنە اينالادى» دەپ ءتۇسىندىردى. ينتەرنەت جەلىسىندە اتالمىش ءمۇسىننىڭ كوشىرمەلەرى ساتىلۋدا. دونالد ترامپتىڭ شاش ۇلگىسىمەن جاسالعان ءمۇسىننىڭ كىشكەنتاي ءتۇرىن 57 دوللارعا ساتىپ الۋعا بولادى، ال 1739 دوللارعا ونىڭ ۇلكەن 10 مەترلىك ءمۇسىنىن يەلەنۋگە بولادى. مۇنداي تاۋىق ءمۇسىنىن ساتۋمەن اينالىساتىن كومپانيالاردىڭ بىرىندەگى كاسىپكەر ۆەي شين بۇل تاۋىقتىڭ كۇلكىلى كورىنەتىندىگىن ايتتى. «مەنىڭشە، وتە ادەمى ءارى كۇلكىلى تاۋىق. قاسى مەن شاش ۇلگىسى ا ق ش- تىڭ پەرزيدەنتى دونالد ترامپتان اينىمايدى. بۇل ءمۇسىن ساتىپ الۋشىلاردى قىزىقتىراتىنىنا سەنىمدىمىن» ، - دەدى ول. قاراشا ايىندا حاڭجوۋ قالاسىنداعى سافاري- پاركىندەگى التىن ءتۇستى قىرعاۋىلدىڭ ترامپا ۇقساس ەكەندىگىن بايقاعان كەزدە جۇرتشىلىققا تانىلا باستاعان. 
«قامشى»
