15:27, 30 - جەلتوقسان 2016 | GMT +5
التىناي جورابايەۆا ىنىسىنە تەمىر تۇلپار مىنگىزدى
استانا. قازاقپارات - قازاق ەستراداسىنىڭ جۇلدىزى التىناي جورابايەۆا ءىنىسى تالعاتقا تەمىر تۇلپار سىيعا تارتتى، دەپ حابارلايدى قازاقپارات.
التىناي جورابايەۆانىڭ تەمىر تۇلپاردى تارتۋ ەتكەن ءساتى بەينەلەنگەن ۆيدەونى تالعات جورابايەۆ ءوزىنىڭ فەيسبۋكتەگى پاراقشاسىندا جۇكتەدى. «باۋىرىم تالعات جورابايەۆ ۇنەمى ماشيناسى بۇزىلىپ جۇرەدى. ودان كەيىن 6- تامىزدا تۋعان كۇنى بولدى. سول كەزدە سىيلىعىن بەرمەي «لاقتىرىپ» كەتتىم. قۋانىشتى ءبىر ءساتتىڭ ورايى كەلسە دەپ ءجۇر ەدىم. مىنە، تاۋەلسىزدىگىمىزدىڭ 25 جىلدىق مەرەيتويى بولايىن دەپ جاتىر. سوعان وراي مىنا ءبىر كولىكتى سىيلايىن دەپ شەشتىم»، - دەدى ءانشى. وسىدان كەيىن التىناي ءىنىسىن الماتىداعى قوناق ۇيلەردىڭ ءبىرىنىڭ اۋلاسىنا الداپ شاقىرىپ، تويوتا كولىگىنىڭ كىلتىن تابىس ەتتى.
