بايندرەيدج: گولوۆكين ءوز ءىسىنىڭ شەبەرى

استانا. قازاقپارات - IBF نۇسقاسى بويىنشا جارتىلاي ورتا سالماقتا الەمنىڭ بۇرىنعى چەمپيونى كورنەليۋس بايندرەيدج قازاقستاندىق بوكسشى گەننادي گولوۆكين جايلى جىلى لەبىزىن ءبىلدىردى.

«گەننادي گولوۆكين ءوزىنىڭ قاراپايىمدىلىعىمەن جانە ءوز ءىسىن جوعارى دەڭگەيدە ورىندايتىندىعىنا بايلانىستى بريۋس ليدى ەسىمە تۇسىرەدى»، - دەپ جازدى تۋيتتەردەگى پاراقشاسىندا.

ايتا كەتەيىك، قازاقستاندىق بىلعارى قولعاپ شەبەرى كەلەسى جەكپە-جەگىن ا ق ش- تىڭ نيۋ-يورك قالاسىنداعى Madison Square Garden ارەناسىندا دەنيەل دجەيكوبسقا قارسى وتەدى.

GGG كاسىپقوي بوكستا 2006-جىلدان بەرى ونەر كورسەتىپ كەلەدى. بۇگىنگە دەيىن 36 كەزدەسۋ وتكىزىپ، بارىندە جەڭىسكە جەتتى. ونىڭ 33 ءىن نوكاۋتپەن اياقتاعان. وسى ۋاقىتقا دەيىن WBC، WBA، IBF جانە IBO نۇسقالارى بويىنشا الەم چەمپيونى اتاعىنا قول جەتكىزدى. بارلىق تيتۋلدارىنىڭ باسىن قوسۋ ءۇشىن بريتانيالىق بيللي دجو سوندەرس يەلىگىندەگى WBO جەتكىلىكسىز بولىپ تۇر.