ماس ادامدى بىردەن ايىقتىراتىن تابلەتكالار بار ما
دەپ حابارلايدى قازاقپارات ءتىلشىسى.
«ءيا، ونداي تابلەتكالار بار. ولار ادامعا اراقتان تەز ايىعىپ كەتۋىنە كومەكتەسەدى. بىلايشا ايتقاندا، اشى سۋدان ايىعۋ پروتسەسىن شاپشاڭداتادى. ءدال قازىر ول پرەپاراتتار استانادا ساتىلا ما، جوق پا، ونى ناقتى ايتا المايمىن. بىلۋىمشە، قازاقستان اۋماعىندا ونداي تابلەتكالاردىڭ تىركەۋ مەرزىمى اياقتالدى. ءبىر كەزدەرى ونى ءدارىحانالاردا ساتقان. ءبىز بولساق، وسى ساناتقا جاتاتىن پرەپاراتتاردى قولدانبايمىز. ويتكەنى ول تەگىن مەديتسينالىق قىزمەت تۇرىنە جاتپايدى»، - دەدى باشينسكايا قازاقپارات تىلشىسىنە بەرگەن سۇحباتىندا.
وسىعان بايلانىستى توكسيكولوگيا بولىمشەسىنىڭ مەڭگەرۋشىسى جاڭا جىلدا سپيرتتىك ىشىمدىكتەردى مولشەردەن كوپ ىشپەۋگە كەڭەس بەرىپ وتىر. سونداي- اق ءاربىر ادامنىڭ مولشەرى ءارتۇرلى ەكەنىن تاعى ءبىر مارتە ەسكە سالدى.
«الدىمەن قاڭتاردىڭ 1-كۇنى قانداي جاعدايدا تۇراتىنىمىزدى ۇمىتپاۋىمىز قاجەت. ەم قابىلدايتىن ادامدارعا اسا ساق بولعان دۇرىس. سەبەبى بارلىق ءدارى- دارمەكتەر سپيرتتىك ىشىمدىكتەرمەن قاتار قابىلداۋعا كەلە بەرمەيدى. باس جازۋعا بولادى. ءبىراق 50-70 گراممنان اسىرماۋ قاجەت. ويتكەنى ونىڭ ارتى مەرەكەنىڭ «جالعاسى» بولىپ كەتەدى»، - دەيدى گ. باشينسكايا.
ايتا كەتەيىك، بولىمشە مەڭگەرۋشىسى استانادا جاڭا جىلدىق كورپوراتيۆتەر كەزىندە توكسيكولوگياعا تۇسكەندەردىڭ قانشالىقتى كوپ بولعانى جايىندا ايتىپ بەردى.
اۆتور: ارمان اسقاروۆ
